ENNIA ta adoptá e insiativa di CHATA Stars of The Industry.
KOMUNIKADO DI PRENSA
Willemstad- ENNIA i CHATA ta uni forsa pa hiba Stars of the Industry na e siguiente nivel. Pa loke ta trata aña 2025, ENNIA ta patrosiná CHATA su evento di rekonosementu na empleadonan den e industria di hospitalidat. E kolaborashon akí ta enfatisá e balor sentral di ENNIA: Kompromiso ku komunidat.
Stars of the Industry ta un inisiativa di CHATA ku ta duna rekonosementu na empleadonan den e industria di hospitalidat, pa loke ta nan kompromiso i logronan ekstraordinario. Ku e impakto kresiente di e industria di hospitalidat na Kòrsou, ENNIA ta mira esaki komo un tremendo oportunidat pa duna bèk na komunidat i na mes momentu promové apresio pa talento lokal.
“Adoptando Stars of the Industry ku e intenshon pa sigui desaroy’é mas aleu huntu ku CHATA, nos ta invertí den e personanan ku ta forma e wesu di lomba di ekonomia di Kòrsou. E inisiativa akí ta brinda nos e oportunidat pa kontribuí di un forma konkreto na kresementu i motivashon di nos profeshonalnan den
Kompromiso ta duna forsa
Komo spònser i partner prinsipal di e evento, ENNIA no solamente lo duna rekonosementu i apresio adishonal na e nominadonan, pero tambe lo kontribuí na kresementu di e evento. Huntu CHATA i ENNIA lo presentá un seremonia inspirativo kaminda lo pone e streanan di e industria lokal den spòtlait.
E promé edishon di Stars of the Industry – Powered by ENNIA ta tuma lugá dia 15 di mei 2025 na Mondi Curaçao. Ta organisá e evento akí dos biaha pa aña, pa asina krea un plataforma mas grandi kaminda por rekonosé mas talento.
Ku e kolaborashon akí, ENNIA ta fortalesé su ròl komo partner sosial i ta enfatisá su kompromiso pa no solamente sigui ofresé siguridat finansiero, pero tambe duna su kontribushon aktivo na komunidat di Kòrsou.