Tene kuenta ku siguridat. Den tráfiko tambe.

William su dunadó di trabou ta pidié si e por kore bai hiba un pakete p’e, ku su mes outo.

Na kaminda William ta haña un aksidente. Danki Dios ta algun raspu so William tin na su kurpa, pero su outo si tin hopi daño i nan ta deklar’é total loss.

“Awor ta ami a keda perhudiká.”

Danki Dios William ta bon sigurá. Pero e no ta kontentu si, pasó nan ta pag’é solamente un parti di e daño. (a base di e balor di dia) E ta pidi su dunadó di trabou pa paga sobrá di e daño. Esaki no ta bai di akuerdo mésora. Hues mester bin aden promé.  I hues ta duna William rason, su dunadó di trabou mester paga. Solamente si William tabata kore iresponsabel, e mes lo mester a paga su gastunan.

Hopi dunadó di trabou no sa kon responsabilidat den tráfiko ta hinká den otro.

Globalmente mirá tin 3 posibilidat:

  1. Partisipashon den tráfiko komo parti di trabou. Por ehèmpel, bo empleado ta shofùr.
  2. Partisipashon den tráfiko pa motibu di trabou. Por ehèmpel, pa bishitá kliente.
  3. Partisipashon den tráfiko pa yega trabou òf bai kas depues di trabou.

Den e promé 2 kasonan e dunadó di trabou su grado di responsabilidat ta hopi haltu. Pero tambe den kaso di partisipashon den tráfiko pa yega trabou òf bai kas despues di trabou ta eksistí diferente posibilidat kaminda den kaso ku algu bai robes por presentá abo komo dunadó di trabou e kuenta.

Kuantu  bia bo no ta pidi un empleado kore hiba algu ku su mes outo? Bo ta chèk den un kaso asina ku su outo ta na òrdu? Of si e tin reibeweis? Of si e ta sigurá? Si e outo tin karchi di kùr bálido? Min’ ta kere bo ta tuma tempu chèk tur esaki. Anto einan e pleitu hurídiko ta kuminsá hopi bia. Ta bon pa para ketu na esaki, for di un punto di bista hurídiko, pero tambe moralmente.

Un èp di bo kliente mas importante? Pone bo outo un kantu promé!

Tuma por ehèmpel èpmentu durante korementu di outo. Ora pa ora mas pais ta prohibí esaki, pasó e ta súmamente peligroso. Komo dunadó di trabo ta bo tarea pa atvertí bo personal. Ni maske ta un èp di bo kliente mas importante. Mester pone  outo na kantu promé ku por kontestá èp.

Bo personal ta kurason di bo negoshi. P’esei bo mester kuida bo empleadonan. Parti di e kuido akí ta perkurá pa nan sirkunstanshanan di trabou ta sigur. No mira esaki komo un “mester”. Pasó asina bo ta yuda bo mes tambe. Hasi siguridat un prioridat. Den tráfiko tambe.

Ku plaser nos di ENNIA ta yuda bo ku esaki. Nos ta spesialisá den rekonosementu di riesgo. Siguridat ta prinsipalmente un kuestion di koperá ku otro.

Traha un sita awor

Juliska Cijntje-web.png
Juliska Cijntje
Cördinator Customer Relations