Traha riba siguridad. Tambe den trafico

E dunado di trabou di William ta puntra si e por bay un rato hiba un pakete den su mes auto. Na caminda William ta haya un desgracia. Afortunadamente William mes no a haya mucho cos, pero su auto si a haya basta daño y a keda declara total loss.

“Awor ami a keda sokete”

Ta bon cu William ta bon sigura. Pero contento e no ta ya cu ta parcialmente so e ta haya e daño paga (basa riba balor actual). E ta pidi su dunado di trabou pa paga e resto di e daño. Esaki no ta bisa “si” di biaha. E mester a haya un pusha di huez kende a duna William rason; su hefe tin cu paga. Solamente si William a core iresponsabel, e mes lo mester a paga.  

Hopi dunado di trabou no ta na haltura con ta para cu responsabilidad den trafico. Por menciona tres posibilidad: 

1. Participacion den trafico di forma profesional: bo empleado ta por ehempel chauffeur.
2. Trabou y trafico laboral: bo empleado ta riba caminda pa su trabou. Por ehempel pa bishita cliente.
3. Vivienda-trafico laboral: empleadonan cu ta riba caminda pa yega trabou di nan cas of vice versa.    

Den e prome 2 casonan, e dunado di trabou ta mas cu responsabel. Pero tambe den caso di vivienda-trafico laboral por surgi tur sorto di posibilidad unda prome cu bo sa bo ta haya e cuenta presenta ora algo bay robes.

Cuanto biaha no sa pasa cu bo ta pidi un empleado pa hiba algo un rato pa bo cu su auto? Bo ta controla si e ta okey of su auto ta den bon estado? Si e tin un rijbewijs mes? Si e ta sigura? Si su auto ta gekeur? Mi no ta kere. Hopi biaha aki ta unda e rabo di porco huridico ta krul. Ta bon si pa para keto un rato na e puntonan aki. For di punto di bista huridico, pero tambe for di punto di bista di moralidad.

Un app di bo cliente mas importante? Pone auto na banda prome!

Of por ehempel manda app mientras ta manehando? Mas y mas pais ta prohibi esaki ya cu ta algo sumamente peligroso. Ta na abo como dunado di trabou pa mustra bo personal riba esey. Tambe ora ta trata di un mensahe di bo cliente mas grandi. Prome cu tur cos ta pone e auto ey na banda y despues ta manda contesta.

Bo personal ta e recurso mas importante den bo negoshi. Bo tin cu cuida nan bon. Ta bo deber pa percura pa circumstancianan di trabou sigur. No considera esey como un “mester”. Bo ta yuda bo mes tambe den esaki. Traha riba siguridad. Tambe den trafico.

Nos di ENNIA ta asisti bo cu placer den esaki. Nos ta specialista den reconoce riesgo. Seguridad ta principalmente un cuestion di COLABORA.

Traha un sita awor

Juliska Cijntje
Cördinator Customer Relations