Email falso por paralisa bo compania

Hopi hende ta pensa: un email falso? Ami no ta cay aden. Lubida! Criminalnan ta traha sumamente profesional. For di investigacion a sali na cla cu 30% di emailnan falso cu ta drenta den companianan, ta wordo habri. E organisacionnan criminal ta prefera dirigi nan mes riba companianan chikito.

“Un empleado cu primi riba un link robes ya por ta fatal”

No kere cu ta un ladron chikito ta sinta traha den un camber patras. Ta trata di crimen organisa cu mas di diesmil ‘empleado’. Nan por ta tur caminda na mundo. Nan meta ta pa colecta informacion sensibel di bo compania, pa estafa bo, pa secuestra bo of pa kibra drenta den bo sistema.  Un laico casi no por distingui un negoshi profesional criminal di un negoshi viridico.

Con e ta traha? Companianan ta ricibi un e-mail cu ta parce comosifuera ta banco a mand’e, of gobierno of otro instancia. Pa bo coleganan ta rutina pa habri e mail pa lesa di kico e ta trata. Mayoria bes ta pidi pa primi riba un link of pa habri un suplemento, Despues ta manda un virus cu por ehempel ta blokea tur bo software o ta copia bo datonan importante. 

Riba kico bo mester ta alerto? E cos di mas importante kisas ta e adres di email di e remitente. Hopi bes ta un email no mucho cla of un version deriva  di e nomber berdadero di un compania existente. Imagina bo tin para Wesley | MCB BANK como remitente. Esey ta mustra confiabel. Te ora bo bay para cu bo cursor riba e remitente (of klik cu e boton na man drechi di bo mouse), bo ta wak e nomber completo. Anto e ora ta bin sali afo cu no ta e berdadero email di e banco.

Asina tin diferente otro caracteristica cu por menciona. Lo mas importante ta cu como empresario pa papia cu bo trahadonan riba esaki. Percura pa nan ta consciente di e peligro. Un solo empleado so tin cu primi un link robes pa causa un peligro grandi. Asina ta, discuti e riesgonan. Esey ta aumenta capacidad di defensa di bo organisacion.

Nos di ENNIA ta asisti bo cu placer den esaki. Nos ta specialista den reconoce riesgo. Seguridad ta principalmente un cuestion di COLABORA.

Maak nu een afspraak

Juliska Cijntje
Cördinator Customer Relations