Kisas e vírùs di Corona lo no afektá nos, pero meskos mayan e por yega na nos porta tambe. Komo dunadó di trabou, kiko bo ta hasi? Kon bo ta sòru pa un lugá di trabou salú i sigur, i kon bo ta evitá ku bo empresa ta keda paralisá?

Corona ta un vírùs di grip nobo. Hende no a krea resistensha kontra e virus akí. No tin vakuna kontra dje ainda. Esaki ta hasié peligroso i difísil pa kombatí. E ta hopi kontagioso. E vírùs a paralisá parti grandi di China den masha tiki tempu. Hopi otro pais tambe tin nan man yen ku e asuntu akí aktualmente. Ta balotá ku durante e kuartal akí e vírùs di Corona ta okashoná ku mundialmente empresanan ta pèrdè mas o ménos un 320 bion dólar. Tene indikashonnan di gobièrnu na bista.

Perkurá pa sufisiente djèl i lensu di papel

Una bes e vírùs yega aki, ta importante pa evitá ku e ta plama. Por hasi esaki ku medidanan di higiena bastante simpel. Manera laba man regularmente. Sòru pa tin djèl desinfektante i lensu di papel na bo lugá di trabou. Hasi èkstra limpiesa. Pensa akinan riba man di porta, kònòpi di lus, tenedó di trapi, kíbort i mùis di kompiuter.

Mira aki pa tep i informashon

• Gobièrnu di Kòrsou
• Gobièrnu di Aruba
• RIVM Ulanda

Uso di máskara di papel tin tiki efekto. E ta krea un siguridat falsu. Pa limitá situashon kaminda hende por kontagiá otro, bo por palabrá ku bo empleado-, kliente-  i bishitantenan  ku no ta duna otro man pa sierto temporada. Den hopi país aktualmente ta kumindá otro ku èlebog. Pidi bo empleadonan pa tosa òf nister parti paden di nan brasa. Esaki ta evitá ku gotanan di vògt ku ta kontené e vírùs ta bai den airu.

Bo ta sospechá ku un di bo empleadonan tin e vírùs di Corona? Lag’é bai kas i keda kas te ora tin mas klaridat. Kisas e por hasi parti di su trabou na kas? Warda riba evaluashon di e dòkter di kas promé ku bo tuma medida adishonal.  Si enberdat e empleado ta kontagiá, probablemente e lo mester bai den karentena. Komo dunadó di trabou lo bo mester sigui paga su salario.

Traha un plan di emergensha na tempu

Kon bo ta tene bo empresa habrí? Traha un plan di emergensha na tempu.

• Inventarisá e prosesonan mas krítiko den bo empresa. Kua parti di e trabou di niun manera no por keda paralisá? Kua parti por para ketu durante algun siman? I den dado kaso kua parti por para ketu pa un periodo mas largu (algun luna)? Krea un mapa di e situashon.
• Pa motibu ku empleado ta kai afó trabou por kuminsá pega. Sòru pa back up. Ken bo tin stand by pa e prosesonan esensial por sigui kana?
• Tambe por resultá ku bo suministradónan no tin stòk mas. Of transpòrt tin retraso pasó no tin sufisiente  shofùr. Kua medida bo por tuma for di awor pa si surgi  kasonan asina akí?
• Si hopi empleado mester traha fo’i kas, bo ret tin sufisiente kapasidat pa esaki?
• Banda di bon preparashon mester pensa tambe riba bon informashon pa bo empleado, kliente, suministradó i bishitante.

Klek aki pa mas informashon práktiko rondó di Corona pa bo empresa.

Pero kisas e parti mas importante ta pa bo hendenan tuma e medidanan di higiena i prevenshon na serio. Bosnan mester hasié huntu. Niun hende no por karga e riesgo akí p’abo. Nos tampoko. Lo bo mester hasié huntu ku bo tim. Nos ta spera ku nos tepnan ta yuda bo limitá e molèster. Eksito!

Nos di ENNIA ta spesialisá den rekonosementu di riesgo. Siguridat ta prinsipalmente un kuestion di HASI huntu ku otro.

Traha un sita awor

Juliska Cijntje
Cördinator Customer Relations