Éksito di kòki Maria ta pidi pa mas

No solamente Maria por kushiná bon, pero e ta un berdadero empresario tambe. A hasi 6 luna kaba ku e ta manehá su propio negoshi di kushinamentu. El a kuminsá hopi chikitu. E tabata kushiná na kas i bende kuminda. Su kasá tabata kore entregá e kumindanan. Tur dia e tabata haña mas kliente. Den algun aña el a kushiná i akumulá un bon entrada. El a sinti gana di hasi mas. Maria a disidí di bai den grandi.

“Tabata un riesgo basta grandi. Su kasá a kita fo’i trabou.”

Aktualmente djis banda di su kas e ta hür un espasio pa e negoshi. Di e sèn ku el a spar el a kumpra kuater fòrnu, algun mesa di trabou, hèrmènt nesesario pa kushiná i un mashin di laba kos profeshonal. Tambe e tin 2 kòki ta traha p’e. Su kasá a kita fo’i trabou i ta yud’é ku tur trabou ku tin. Nan yu hòmber mas grandi tambe ta yuda den e negoshi.

Durante e promé lunanan ainda e énfasis ta riba kore entregá kuminda. Pero no ta pasa masha tempu ku e ta kushiná bufètnan kompletu. E mester di mas personal, i e espasio chikitu huntu ku e lugá ku e ta hür pa e negoshi masha lihé ta yená ku stòk i gran kantidat di stul i mesa ku e ta hür pa fiesta i otro aktividat. Su kasá a kambia su SUV pa un bùs chikitu. Ku lèter grandi tin skibí riba dje: “Kushina Maria”.

Mi ta traha un sita ku Maria pa analisá e riesgonan di su negoshi. Kiko t’e kaso: diariamente Maria t’asina drùk ku e negoshi, ku el a “lubidá” di tuma algun medida importante. Manera por ehèmpel un tanki di paga kandela. E no tin unu, tanten tur dia e ta traha ku kandela. Asina tin mas medida. Maria ta konta tambe ku e no a sera niun seguro ainda. Sin bisa nada mi ta mira mi dilanti kuantu kos por bai robes, i asina den un solo bia paralisá su bunita negoshi. Hóreka tin riesgonan hopi spesífiko. Pensa akinan por ehèmpel riba sèn kèsh. Unda Maria ta warda e sèn ei?

Mi ta traha un lista di medida ku Maria i su kasá mes por tuma. Tambe mi ta kont’é kon ku un suma chikitu pa luna e por kubri riesgonan grandi ku un seguro. E ta keda hopi kontentu.

Despues di algun luna mi ta bolbe bishitá e negoshi, i mira un tanki di paga kandela kologá den huki banda di e fòrnunan. Mi ta sintí mi bon.

Traha un sita awor

Sharon Steens-crop.jpg
Sharon Steens
ENNIA Corporate Insurance Specialist