Koki exitoso Maria ta smak na mas

Maria no por cushina bon so, e ta un empresario di pura sepa. Pa seis luna caba e ta maneha su propio negoshi di bende cuminda. El a cuminsa hopi chikito; prepara cuminda na cas cu e tabata bende. Su casa tabata parti nan pe. El a haya mas y mas cliente. Den un par di aña el a cushina un bunita entrada pa su mes. Esey tabata smak na mas. Maria a dicidi di bay den grandi.

“M’a tuma un chens grandi. Mi casa a stop di traha”

Net na skina banda di su cas, el a huur un espacio pa su negoshi. Di su cen cu el a spaar, el a cumpra cuatro stoof, algun mesa pe traha riba, tur herment di cushina necesario y un mashin di laba coi kibra profesional. Tambe el a tuma 2 koki den servicio. Su casa a stop di traha y ta yuda cu tur trabou chikito rond. Nan yiu homber mayo tambe ta traha den e negoshi.

Den e prome lunanan e enfasis ainda tabata riba hiba cuminda rond. Pero hopi lihe el a hay’e ta haci cateringnan completo. Ta busca personal extra y e cuarto chikito cu ta pertenece na e negoshi cu e ta huur, den un rato a yena cu stock, mesa cu stul cu e tabata huur pa fiesta y celebracion. Su casa a cambia su SUV pa un van di compania. Cu leter grandi tin riba dje: ‘Kushina Maria’.

Mi a traha un cita cu Maria pa pone e riesgonan di su negoshi riba un rij pe. Kico a resalta: Maria ta asina ocupa cu su negoshi di tur dia cu el a “lubida” di tuma algun medida importante. Ke hubo di un aparato di paga candela? E no tin, mientras tur dia e ta traha cu candela. Asina tin mas cuestion. Maria ta conta cu e no a cera ni un seguro ainda. Sin bisa nada, ya den mi pensamento mi por a mira tur tipo di incidente cu por dal su luga cera den un solo tiro. Negoshi di cuminda tin riesgonan specifico. Por ehempel placa den efectivo. Unda Maria ta warda e placa ey?   

Mi a traha un lista pa Maria cu tur e medidanan cu e cu su casa mes por tuma. Tambe mi ta cont’e cu pa un suma chikito pa luna, e por cubri riesgonan grandi cerando un seguro. E ta contento di tende esey.

Ora mi a pasa banda di e negoshi algun luna despues,  den un skina banda di e stoofnan, mi a wak un aparato di paga candela. M’a sinti mi hopi bon.

Traha un sita awor

Sharon Steens-crop.jpg
Sharon Steens
ENNIA Corporate Insurance Specialist