Loco cu auto, pero loco di dolor di cabes tambe

Luna pasa ata malay atrobe; e di tanto accidente cu mi auto. Di tres den dos aña. Mi a hacie mi ‘hobby’ pa - cada bes cu mi mester drecha mi auto- scoge un compania diferente. Esey naturalmente tin di haci cu mi profesion. Como specialista di seguro, mi ta bishita companianan cu frecuencia. Mi ta gusta wak rond, purba e ambiente. Cada compania ta diferente, cada empresario tin su propio estilo.


Asina ta cu ‘ciegamente’ mi ta scoge un compania pa laga drecha mi auto. Asina mi a yega na un compania memey den un bario. E proprietario a ricibi mi den su shop, unda aki aya tabatin hende ta traha. Tur netchi den coveral, tur tambe cu un masker na boca. Nan a caba di flit un auto. E neblina di verf cu a keda colga den aire, a cuminsa molestia mi y mi a puntra si no tabatin un instalacion pa absorba e aire. Un di e guynan a bira bisa: “E cabina ta habri toch?”.

“Biento ta nos mashin di chupa aire”

Asina facil nan tabata pensa di henter e asunto aki. Pa tur claridad: mi ta papia aki di un compania exitoso cu na tur dies empleado. Ora mi a baha fey mi auto, mi por a hole e verf di leu caba. No ta nada dushi pa sinta pafo den veranda den e bario aki, mi a pensa.

Ora mi a bolbe wak rond, mi a mira den un skina di e shop un instalacion di aire basta grandi. El a daña, e doño di. Tur cos tabata blokea cu stof, e fan, e pipanan di drenahe, incluso e capa di e ventilador riba dak.

Lo cost’e miles di florin pa pone tur cos traha bon atrobe. Mi a puntra e empresario cuanto lo costa pa para e flitmento di auto pa motibo di molester di e holo. El a sacudi cabes. Como empresario e sa hopi bon kico mester wordo haci. Door di tanto trabou nunca ta resta tempo p’esey. Y tur e florinnan ey ta haci dolor tambe naturalmente.

Toch e inversion bal su placa. Pa e simpel motibo so cu su trahadornan lo presta miho y lo tin menos ausencia pa motibo di molester. Den mi red mi conoce un hende cu ta bon den renovacion di instalacion y herment. Pa un bon prijs e lo por fix tur cos. Nos a haci un cita cu ne di biaha.

Ayera mi tabata eybanda y mi a pasa wak un rato. E doño a wak mi yega y di biaha su duim a bay laira. Ora mi a baha di mi auto, mi no a detecta nada di holo di verf. Bon trabou! 

Cerca ENNIA nos ta trata hopi cu riesgonan di personal. Esey kier men cu nos sa hopi tambe tocante medidanan di prevencion. Cu placer nos ta comparti e conocemento ey cu bo.

Traha un sita awor

Shai-portret foto.png
Shairlon Balentina
ENNIA Corporate Insurance Specialist