Contacto via medionan digital nobo: rapido, cla y facil

Ta importante pa tin bo seguronan bon na ordo. Nos ta yuda bo cu esey. Nos ta duna bo conseho y ta contesta bo preguntanan di forma rapido. Kisas bo ta pensa: mi kier sa algo, miho mi yama un rato. Pero esey no tur ora ta e manera mas rapido. Descubri con bo por haci esaki na un miho manera.

Ora bo yama nos pa un contesta riba un pregunta, esey lo por dura tin bes mas largo cu bo ta desea. Tin biaha bo tin cu warda, of nan ta sigui comunica bo unda bo tin cu bolbe conta ful bo storia di nobo. Tambe ta asina cu no tur ora tin un contesta cla ya cu tin biaha tin cu averigua bo pregunta pa nan yama bo bek despues. Kisas net e momento ey, bo no por tuma e yamada. Esey ta e parti fastioso di yama.

Ta mas inteligente, lihe y mucho mas barata pa:

• LiveChat aki riba website.
• Pa App  WhatsApp
• Pa manda un mensahe riba Facebook, Messenger of Instagram.

Con asina mas inteligente, lihe y barata?

Descubri e facilidad di nos medionan digital. No tin cuestion di warda na telefon. Bo ta haci bo pregunta y bo ta sigui cu bo trabou. E contesta ta drenta automaticamente cerca bo. Masha comfortabel mes y e no ta costa bo bo minuutnan tampoco.   

- Chat
Riba ennia.com nos tin un funcion di chat en bibo. Cu un simpel chat bo tin bo contesta di biaha. Pa preguntanan via nos medionan digital, nos tin un Webcare-team special cla para pa bo. Ta druk un rato? E ora bo ta ricibi e contesta un poco mas laat riba bo pantaya. Abo no tin cu worry cu esey.

- App
Tambe ta facil: djis manda bo pregunta fey bo celular. Esey ta directo y cla.

- Mensahe
Bo por contact nos tambe pa medio di Facebook, Messenger of Instagram, facil si bo ta un fanatico activo di social media.

- Formulario di Contacto
Un di cuatro posibilidad ta cu bo ta uza nos formulario di contacto aki. Nos lo tuma contacto cu bo mas lihe posibel.

Tambe si nos kier comparti documento, e medionan nobo ta facilita nos bida. E  documentonan ey bo por warda di biaha riba bo computer of laptop.

Na bo agrado?

Bastante opcion pues. Tur ta pa scapa bo tempo. Purba nan un biaha. Nos tin masha gana di sa con bo a experimenta esaki.

Si bo kier papia cu nos di forma mas extenso of bo tin un storia pa conta? Esey tambe por naturalmente. E ora si yama na telefon ta un bon opcion. Of kisas miho ainda: pasa un rato cerca nos. Asina ta mas agradabel pa papia tambe. Basta bo sa cu nos semper ta para cla pa bo. Den cua forma cu bo dicidi di acerca nos.