Hopi bia bo ta skapa. Pero kiko awor, ésun solo bia ku algu bai robes? (2)
Mi ta pensa akinan riba Maureen. Un señora alegre. El a bira inválido pero a siña biba kuné. El a bai tira kabes den laman i a dal su kabes den fondo. Awor e ta permanentemente den un ròlstul. Tabata un shòk enorme. Den un solo tiru su bida a kambia por kompletu. Su bida personal, pero tambe riba un nivel práktiko. Su kas no tabata adekuá mas p’e por biba aden. E no por a drenta ku ròlstul. Su pòrch tabata muchu haltu, e drèmpelnan no tabata bon i den kas kasi e no por a move den ròlstul.
Danki Dios e tabatin un Seguro di Aksidente. El a haña un suma di 60.000 florin. Ku e sèn akí el a adaptá entrada di su kas, renová baño i tualèt i a adaptá tambe sobrá di e kas. I a sobra sufisiente sèn pa un rolstul konfortabel. Awor akí, 5 aña despues, ta bunita pa mira kon Maureen a sigui ku su bida. Danki na entre otro e Seguro di Aksidente.
Bunita pa mira kon el a sigui ku su bida.
Un seguro di Aksidente? Mi sa kaba kiko bo ta pensa. Mi tin un Seguro di Kuido tòg? E malkomprondementu ei mi ke aklará akinan. Seguro di Kuido ta paga gastu di dòkter i hospital. Seguro di aksidente ta otro. Esaki ta paga un suma na bo mes, den kaso ku bo sufri leshon permanente. Of den kaso di fayesementu pa yuda bo famia .Un sèn ku ta yuda bon na e momentu ei.
Wak Fedrico (38 aña). Bon trabou, tata di 3 yu i loko ku outo. Huntu ku su amigunan den wikènt semper e tabata traha riba su wabi merikano. Te dia su man a pega den motor i a dura mei ora promé ku por a sak’é. Un nèrvio a sufri daño i a pone ku su man drechi ta paralisá. El a pèrdè su trabou den konstrukshon i resultá sin entrada sintá na kas. Un pago di un Seguro di Aksidente lo a yuda hopi pa karga e pèrdida di entrada i tambe pa paga gastu di kurso pa e por kambia di trabou.
Para ketu un ratu. Den mi trabou bastante regular mi ta topa hende ku pa motibu di un aksidente a pèrdè tur kos. Ku un Seguro di Aksidente lo por a evitá hopi doló di kabes. Bo ke sa mas, yama òf manda mi un e-mail.
Bo ke sa mas? Traha un sita ku mi.
Juliska Cijntje
Cördinator Customer Relations
Mira mas informashon den e resúmen riba nos blòg