Hopi biaha bo ta scapa. Pero kico si cos bay robes net esun biaha ey? (2)
Esaki ta haci mi corda Maureen. Un señora alegre. El a bira menosbalido pero el a siña biba cu ne. Despues cu el a sambuya den awa, su cabes a dal duro den fondo y awor e ta permamente den un rolstoel. Esey tabata un shock enorme. Su bida a cambia completo den un solo tiro. Personalmente, pa su mes, pero tambe di forma practico. Su cas no tabata adecuado mas. E no por a drenta paden mas. E veranda tabata mucho halto y e trapinan tabata di dwars y paden tambe e tabatin problema pa move cu e rolstoel.
Un suerte den malasuerte: e tabatin un seguro di accidente. El a ricibi pago di 60.000 florin. Cu e placa ey el a adapta su entrada, remodela wc cu baño y tambe resto di e cas. Ainda a resta bastante placa pa un rolstoel comfortabel. Awor cinco aña despues, ta bunita pa wak con Maureen a tuma rienda di su bida bek. Danki tambe na e seguro di accidente.
Bunita con el a bolbe tuma rienda di su bida
Un seguro di accidente? Mi ta tende bo pensa caba. Mi tin un seguro medico caba toch. E malcomprendimento ey lo mi desea di clarifica. E seguro medico ta e seguro pa cubri gasto di hospital y docter. E seguro di accidente ta diferente, esey ta trata di un suma di placa cu ta bay pa bo den caso bo incuri lesion permanente. Of ora di fayece pa yuda bo famia. Placa cu ta yega bon na ora na momentonan asina.
Tuma Fedrico (38 aña). Bon trabou, tata di tres yiu y fanatico di auto. Hunto cu su amigonan e tabata gusta traha riba su wabi mericano den weekend. Te ora su man a keda pega y te despues di mei ora por a saca e man. Como un nervio a wordo lesiona, su man drechi a keda paralisa. El a perde trabou den construccion y el a resulta na cas sin entrada. Un pago di un seguro di accidente lo a yud’e enormemente pa compensa e perdida di entrada y paga e gastonan di reentrenamento.
Djis para keto un rato. Den mi trabou hopi bes mi ta topa hende cu pa causa di un simpel desgracia diripiente ta haya nan te na suela. Cu un seguro di accidente hopi bes bo por a preveni hopi miseria. Pa mas informacion, traha un cita cu mi.
Juliska Cijntje
Cördinator Customer Relations