Con bo ta surpasa morto repentino di bo pareha? Serena (38) ta conta
E destino di cada amor: un dia lo bo keda bo so atras. Hende muhe mas cu hende homber, pa motibo cu nan ta biba mas largo. Tin bes bo ta mira e fin yega. Pero hopi bes no. Serena (38) ta conta di su tristesa inmenso y con el a surpasa su dolor. “Mi tabata na werki. Mi tabata cera mi mes den camber y mi no kier a wak niun hende. Pocopoco mi a gatea sali for di un abismo grandi scur. Awor mi por gosa atrobe di bida, di e solo y di cada dia nobo cu habri.”
“M’a yora te keda sin lagrima”
Orlando, e casa di Serena, a fayece na trabou di un atak’i curason. “Mainta ora el a sali pa bay trabou, el a duna mi un sorpresa ainda. Pa e anochi ey el a reserva un mesa na un dushi restaurant. E tabata un hende cu tabata gosa di bida. Esey kisas ta locual mi ta haya mas falta di dje; sali gosa hunto.”
“Con cariñoso cu e hendenan rond di mi por a ta, mi tabata sinti mi asina solitario riba e mundo aki. Mi a yora te keda sin lagrima. Mi tabata tristo y mi tabata sinti mi desampara. Mi no tabata sa nada. Banda di mi trabou part-time, unico cos cu mi tabata haci, ta tene nos cas limpi. Orlando tabata regla tur otro cos.”
“Despues di un par di luna mi a sinta papia cu mi mes. Unico cos cu mi tabata haci ta drumi sin smak den sofa dilanti television. Esey no por a sigui asina. Mi a duna mi mes tarea pa haci, maske mi no tabatin niun tiki gana di haci nan. Haci limpi, sali haci compra, laba, strica y cana cu mi sobrina. Hopi simpel. Pa cada dia un par di actividad. Asina a bolbe bin structura den mi bida.”
“Ta bon cu mi no tabatin mester di sali fey cas”
“Financieramente cos tabata un poco preta. Orlando tabata traha den construccion. Nos no tabata spaar mes. Nos tabata prefera sali bay come of cosnan asina. Pero despues cu nos prome yiu a nace, Orlando a cera un seguro. E no kier a pensa mes cu nos lo keda planbari si algo por a pas’e. Danki na e extra entrada ey cu mi por a keda biba den nos cas. Ta bon mes, paso si mi mester a muda riba dje tambe…”
“Ya ta shete aña pasa cu Orlando a bay laga nos. Mi ta logrando. Mi ta traha fulltime den oficina awor. E muchanan ta den scol secundario y nan ta bay bon dios gracia. Cu mi sobrina mi ta bay lama de bes en cuando. E tempo cu mi tabata laga e cortinanan cera, a pasa. Tin ora mi ta tende Orlando su stem cu ta bisa mi pa sali keiro.”
Lamentablemente bo no por proteha bo mes contra tristesa, pero bo por sigura bo mes si pa tin bastante tempo pa lidia cu bo tristesa. Tuma contacto cu nos libremente. Cu placer nos ta yuda bo conseho.
Lesa nos otro articulonan tambe
Un eror grave: e seguro di Sonny no ta bay pa e amor di su bida.