Protehá bo pòtmòni. Algu por pasa abo i bo famia

Juan i Asly tin dos yu, Monica (12) i Randy(10) Huntu nan ta forma un famia aktivo. Nan ta hasi hopi aktividat pafó den airu liber. Randy stima su skateboard i Monica gusta hip hop i streetdance. I Juan i Asly ta fanátiko di mountainbike. Nan no ta masha miedoso. Pero último ei tòg nan a spanta bastante. Koriendo su skateboard Randy a slep baha fo’i asera. Un skuter tabata pasando i a logra eskivá Randy nèt nèt, pero e skuter mes a bai kai. Danki Dios e shofùr a haña solamente algun raspu, pero e skuter si tabatin bastante daño.

Danki Dios e shofùr tabatin solamente algun raspu

A resolvé e daño masha lihé. Juan i Asly tin un seguro di responsabilidat sivil pa nan famia. Esaki tabata un desishon inteligente. Un aksidente tin bia ta djis tra’i porta. Sigur si bo tin yu. Pero esaki ta konta mésun kos pa e mayornan tambe. Aña pasá Juan tabata wak world series di beisbòl serka un bisiña. Juan tabata felis ora Los Angeles Dodgers a gana. El a kuminsá bula i balia. Den esei el a trompeká i herunpinga el a dal den e televishon i bent’é abou. Ta kosnan ku por pasa. Spesial pa situashonnan asina akí tin un seguro di responsabilidat sivil.

Komo un hende soltero tambe kos por pasa bo, pero e chèns ta mas grandi ora bo tin un famia. Anto bo a kòrda riba bo kachó? E tambe por okashoná situashonnan fèrfelu. Tur miembro di famia ta kai bou di e seguro, asta bo kachó.

Un suma di daño astronómiko

Anto ainda nos no a papia di dañonan hopi grandi. Figurá bo e aksidente ku e skuter tabatin konsekuensha mas serio pa e shofùr. Bo por haña bo ku un kaso den korte ku ta trata sumanan astronómiko. Komo famia bo no ke pasa den e kos akí. Ku un seguro di responsabilidat sivil bo ta protehá bo mes kontra daño grandi i chikí. Simplemente bo ta biba mas dushi si bo ta bon sigurá.

Bo ke sa mas? Traha un sita ku mi.

Juliska Cijntje-web.png

 

 

 


Juliska Cijntje
Cördinator Customer Relations

Kontakto

Mira mas informashon den e resúmen riba nos blòg