Proteha bo cartera. Como famia tur cos por pasa bo

Juan y Asly tin dos yiu, Randy (10) y Monica (12). Hunto nan ta diberti y nan ta un famia tof. Nan ta haci hopi actividad den aire liber. Randy ta skate, Monica ta gusta hip hop y streetdancing. Juan y Asly ta mountainbikers di pura sangre. Nan no tin miedo. Pero no mucho tempo pasa nan a spanta di berdad. Randy tabata riba su skate ora diripiente el a bula sali fey riba acera. Un scooter cu tabata biniendo a logra evita dal den dje, pero como resultado e mes a bolter. Diosgracia cu e motociclista mes a haya algun rasca so, pero e scooter a sufri  daño serio.

E motociclista, diosgracia, a haya algun rasca so

E daño a keda resolve den un rato. Juan cu Asly a cera un seguro di “Tercer Parti” pa nan famia. Esey tabata sabi di nan parti. Un desgracia tey mes. Sigur si bo tin yiu. Pero esaki ta conta igualmente pa e mayornan. Aña pasa Juan tabata wak e world series baseball cerca nan bisiña. Juan tabata loco di contento ora Los Angeles Dodgers a gana. E tabata bula y balia den rond. Diripiente el a trompica y el a hera bolter e television riba vloer. E cosnan aki por pasa. Speciamente pe tipo di incidentenan aki, nos tin e seguro di Tercer Parti.

E por pasa cu un persona cu ta biba su so, pero e chens cu un famia ta haya un ‘accidente’ ta mas grandi. Y kico bo ta pensa di e cacho. E tambe por causa un desaster. Tur miembro di famia ta cay bou e seguro, esta e cacho.

Un suma di daño y perhuicio cu hopi cero

Y ainda nos no ta papia mes di dañonan realmente grandi. Imagina bo cu e desgracia cu e scooter cu Randy lo a caba pio pa e motociclista. E ora bo ta haya bo cu casonan den corte cu ta trata sumanan cu hopi cero. Como famia bo no kier pasa den esaki. Cu un seguro di Tercer Parti bo ta contraaresta dañonan chikito y grandi. Bida ta mas dushi si bo ta segura pa esakinan.

Pa mas informacion, traha un cita cu mi. 

Juliska Cijntje-web.png

 

 

 


Juliska Cijntje
Cördinator Customer Relations

Contacto

Pa mas informacion mira nos lista di blog