Bo pintura riba calender di ENNIA

ENNIA ta buscando talentonan hoben pa traha un bunita pintura pa nan deskcalender di 2020. Lo imprimi mas cu 15.000 di e deskcalendernan aki cu lo wordo reparti na Aruba, Boneiro, Corsou y St. Maarten.

Participa na ENNIA su accion di pinta y bo pintura lo por ta riba e calender di ENNIA den 2020.

Con e pintura mester ta?
E tema di e pintura ta Futuro di mi Medioambiente. Nos ta pensa e ora riba un medioambiente sano, un naturalesa unda nos bestianan por ta safe, cu atencion pa desaroyonan duradero manera reciclahe y separacion di sushi.

Kico bo ta uza pa pinta?
Uza un stift ora di pinta pa tur liña y color por resalta riba e calender. No uza potlood paso esey ta mucho fini (usa papel A4).

Ken por participa?
Abo por participa si bo tin 4 aña y bo no ta mas bieu cu 12 aña.

Ki dia mester entrega e pintura?
Entrega bo pintura personalmente prome cu diaranson 17 di juli na un oficina di ENNIA. Menciona patras di bo pintura bo nomber y fam, bo edad, number di telefon y un e-mail.

Con nan ta scoge bo pintura?
Un team special ta selecta for di tur e pinturanan cu a wordo entrega, esunnan di mas pret y mas bunita y e 12 pinturanan aki ta haya cada uno un luna riba e calender. Si nan scoge bo pintura, bo ta ricibi un bunita premio!
Tambe nos ta bay post un seleccion di e pinturanan mas bunita riba Facebook di ENNIA Feelsecure.

Mas informacion? Manda e-mail aki i mencionando “pinturacalender”.