Hose ta rabiá ku su mes

Hose ta empresario mas ku 20 aña kaba. Mi ta kòrda ku mas ku un aña pasá m’a papia kuné tokante penshun. M’a puntr’é si el a regla algu pa su personal. E tempu ei e di:” Ami no ta hasi e ko’i. Mi hendenan ta basta grandi i sabí sufisiente pa regla e kosna’i nan mes. Mi ta paga nan sufisiente.”

“Mi ta preferá duna nan algu èkstra ratu ratu.”

Luna pasá m’a bolbe papia ku Hose tokante penshun. Awor e ta pensa kompletamente otro. Pasó algu ferfelu a pasa. Aña pasá durante temporada di fakansi diripiente un di su empleadonan a fayesé. Kurason a para. Tabata un shòk grandi. Den su negoshi, pero mas ainda na kas dje famia. Kiko a resultá? E empleado no tabatin nada reglá. Nada di penshun, pues niun tipo di pago pa su famia tampoko. Ku konsekuenshanan hopi ferfelu pa su kasá i 2 yunan ku a keda atrás. Nan mester a muda.

Hose konosé e famia bon. Hopi bia nan a kome huntu. Esei ta hasié mas doloroso ainda, pa Hose tin ku mira kiko ta pasa ku e famia. “Mi por ranka tur kabei for di mi kabes. Komo dunadó di trabou mihó mi a regla un penshun.” Pasó t’asina ku: huntu ku un penshun, kasi semper tin un seguro ku ta paga den kaso di fayesementu. En todo kaso na ENNIA si.

Meskos ku Hose, hopi empresario ta pensa: mi empleadonan ta basta grandi i sabí sufisiente pa sa ku nan mester pone sèn un banda. Lamentablemente no t’asina. Hopi hende no ta logra spar. Ora nan haña nan salario nan ta preferá kue gast’é. Nan ta preferá tin sèn den nan pòtmòni, i no na banko.

Tòg aweró tambe mester tin sèn pa biba di dje. Empresarionan por yuda un tiki den esaki. Saliendo di e idea di kuido pa nan empleado, pero tambe den nan mes interes. Awor ku ora pa ora ta bira mas difísil pa rekrutá bon empleado, penshun ta un “èkstra” importante pa atraé personal. Naturalmente mi tambe sa ku bo ta atraé un empleado nobo mas lihé ainda ku un outo nèchi di lis. I un salario bunita. Pero penshun kada dia ta hunga un ròl mas importante, niun empresario no por sigui ignorá e echo aki asina fásil.

Kon bo mester regla un penshun? I kiko e ta kosta? Na ENNIA nos ta yuda hopi empresario ku esaki kaba. Ku plaser nos ta pasa serka bo i papia mas aleu tokante penshun. Komo empresario bo no ke pa solamente abo ta bon pará. Pa bo personal tambe bo ta deseá lo mehor!

An, antó importante: pa penshun ta konta reglanan fiskal atraktivo.

Traha un sita awor

Jeannie Dirksz-web-2.png

Jeannie Dirksz
Account Manager Pension & Employee Benefit