Jose ta rabia cu su mes

Jose ta negociante pa mas cu 20 aña. Ainda mi ta corda cu mi a papia cu ne un aña y mey pasa tocante pensiun. Si e por a regla algo caba pa su personal? E tempo ey, el a contesta mi: “Mi no ta haci esey. Mi hendenan ta bastante grandi scapa pa por regla esey nan mes. Mi ta paga nan bon.”

“Mi ta prefera duna nan algo extra de bes en cuando”

Un luna pasa mi a bolbe papia cu Jose tocante pensiun. Awor e ta pensa completamente otro di henter e asunto aki. T’asina cu a pasa algo fastioso. Aña pasa juli un di su trahadonan a fayece inespera. Ataca di curason. Esey tabata un golpi duro. Na trabou, pero mas ainda pa su famia. Kico tabata e caso: e empleado no a regla nada. Ni pensiun y no tabatin ningun pago tampoco pa su sernan keri. Cu consecuencianan amargo pa su casa y su dos yiunan. Nan mester a bandona nan cas.


Jose conoce e famia bon. Hopi bes nan a yega di come hunto. Tabata hopi doloroso pa Jose mira kico kico e famia tabata pasa den. “Mi por muri di duele. Miho mi a regla un pensiun p’e como dunado di trabou”. Ora ta trata di pensiun, casi semper tin un seguro di entiero aden. Cerca ENNIA den tur caso si.

Mescos cu Jose, hopi empresario ta pensa: mi trahadonan ta bastante grandi scapa pa pone un suma di placa un banda. Lastimamente esey no t’e caso. Hopi hende ta haya spaar fastioso. Ora e salario drenta, nan ta prefera sak’e. Nan ta prefera tin placa den nan saco cu na banco.

Toch lo mester tin placa si pa biba cu ne. Empresarionan por yuda den esaki. Pa consideracion, pero tambe pa interes propio. Awendia cu ta birando mas y mas dificil pa haya bon personal, un pensiun ta algo ‘extra’ pa haya trahado. Claro cu mi tambe sa cu bo ta gara personal nobo mas lihe ora ofrece nan un auto di lease sport. Y un bunita salario. Maske cu mas y mas un pensiun ta cuminsa hunga un rol importante. Empresarionan no mester pensa mucho facil di esaki.

Regla un pensiun: con pa haci esey? Y kico e ta costa? Cerca ENNIA nos ta yudando un cantidad di empresario cu esaki caba. Ta un placer pa pasa cerca bo persona pa sigui combersa riba e topico aki. Como empresario, bo no kier pa cos bay bon cu bo so. Tambe pa bo personal bo ta desea lo mehor!

Bon pa sa: pa pensiun tin reglanan fiscal atractivo tambe.

Traha un sita awor

Jeannie Dirksz-web-2.png

Jeannie Dirksz
Account Manager Pension & Employee Benefit