Ken por bisa. Kisas e coronavirus por pasa nos limpi bay, pero den e mesun rosea e por ta dilanti porta mayan. Kico bo ta haci como dunado di trabou? Con bo ta percura pa un luga di traha sano (safe)  y con bo por preveni cu negoshi ta dal para?  

Corona ta un virus di griep nobo. Hende no a traha resistencia contra dje. No tin un vacuna contra dje tampoco. Esey ta hacie peligroso y dificil pa combati. E ta hopi contagioso. Den un frega di wowo, mita populacion di China a paralisa pa motibo di e virus. Un cantidad di otro pais ta man na cabes pa motibo di e virus aki. Segun calculacion, e cuartal aki mundialmente un $320 biyon ta bay perdi na comercio pa motibo di e corona-virus. Sigui vigila e instruccionnan di gobierno.

Percura pa gel y tissue

Una bes cu e virus ta aki, ta importante pa preveni cu e sprei. Esey por sosode cu algun medida hygienico simpel. Manera laba man regularmente. Percura pa gel disinfectante y pa tin tissue tur caminda na trabou. Mantene bo luga limpi. Pensa na mannan di porta, switchnan di lus, mannan di trapi, keyboard y mouse di computer.

Wak aki pa mas tip y informacion

• Overheid Aruba
• Overheid Curacao
• RIVM Nederland

Uzo di mascara pa cara tin tiki efecto. E ta duna seguridad falso. Pa limita contaminacion, por recorda e empleado, cliente y bishitantenan pa no duna otro man pa un temporada. Den hopi pais awendia nan ta duna otro un elleboog. Pidi bo empleadonan pa tosa o niester bou nan brasa.  Esaki ta evita pa e gotanan cu e virus ta contene, drenta den e aire rond. 

Bo ta sospecha cu un di bo empleadonan por ta infecta cu e coronavirus? Lag’e bay cas y keda cas te ora tin mas claridad. Kisas por lag’e haci parti di su trabou na cas mes? Na prome luga warda riba loke su doctor ta bisa, prome bo tuma mas medida. Si di berdad un empleado ta infecta, e empleado ey lo tin cu bay den carentena. Como dunado di trabou, mester sigui paga salario.

Prepara un plan de emergencia na tempo

Con bo ta haci pa bo negoshi sigui drey? Prepara un plan de emergencia na tempo.

• Haci un inventario di e procesonan critico den bo empresa. Cua trabou no por cay afo? Kico por warda algun siman? Y si mester, kico por keda para pa un tempo mas largo (algun luna). Traha un lista di tur esaki.
• Perdida di trabao por converti den un problema debi na perdida di personal. Percura pa  respaldo. Ken bo por conta riba nan pa procesonan esencial?
• Bo proveedonan tambe por keda sin stock. O transportacion ta bira slow pa motibo di escases di chauffeur. Cua medida bo por tuma awor caba pa cu esaki?
• Si hopi empleado keda traha fey cas,  bo sistema tin bastante capacidad pa maneha esaki?
• Ademas di un bon preparacion, pensa tambe riba debido informacion pa bo empleadonan, bo cliente, supplier y bishitantenan.

Primi aki pa mas informacion comercial practico riba corona. 

Pero lo mas importante ta kisas pa bo hendenan tuma e precaucionnan di higiena na serio. Realmente bo tin cu haci esaki hunto. Niun hende por absorba e riesgo aki pa bo. Nos tampoco. Lo bo tin cu haci esaki hunto cu bo team. Nos ta spera cu nos tipnan por yuda limita e peso aki. Hopi suerte!

Nos di ENNIA ta specialisa den reconoce riesgo. Prome cu tur cos, seguridad ta un cuestion di TRAHA hunto.

Traha un sita awor

Juliska Cijntje
Cördinator Customer Relations