Salud y seguridad na pia di trabou

Jeffrey ta un guy hoben, fuerte, pero e ta tosa manera un homber bieu. Mi di cu ne: Bo ta huma? “No, mi ta traha den constuccion. Henter dia ta guli stof.” Ami: tapa bo boca e ora.

“Stop swa, mi ta wak mi caba. 
Nan ta hari mi!”

Esey ta algo tipico di construccion. Papia riba seguridad pa nan di biaha ta keha of lamenta. Mi ta compronde esey, pero pa mi bo ta un berdadero profesional ora bo tribi para pa salud y seguridad na pia di trabou. Bo a yega di tende di pulmon di stof? Esey ta algo serio di berdad. E ta hopi comun cerca contratista, pero tambe cerca esnan cu ta traha cu metal, ta kibra piedra y cerca mineronan.


Mi kier puntra Jeffrey si e ta bebe suficiente awa durante cu e ta traha. Pero mi no a worry mas pa puntra, paso ya mi sa e contesta caba. Rey tres bes cerca cua profesion ta surgi mas dehidratacion cu tur otro. Contratista, trahado riba dak, lasdo; nan ta promenan riba lista.

Mi no tin ningun deseo di hunga sabi. Pero como asesor di seguro, mi ta wak si kico e consecuencianan ta ora ta traha den un ambiente toxico y insigur. Esaki ta malo pa e personal, pero tambe pa e negoshi. E ta sali bo hopi placa. Un empleado malo ta costa dos bes y mey e costonan di un salario bruto, pasobra ta bay tin perdida di benta y e trabou tin cu wordo haci pa e otro coleganan (overtime) of trahadonan contrata.

Hopi compania tin tur sorto di reglamento pa loke ta seguridad y salud na trabou. Pero con nos ta anda cu e reglamentonan ey? Ban djis tuma cualke compania di construccion. Tuma riesgo y pronkia cu esaki, ta parti di e cultura di e gremio. Seguridad na trabou ta pa webo putri. Claro cu tur hende sa cu tin cu bisti un safetyhat y cu tin cu cumpli cu tur e otro reglanan di seguridad. Pero nan ta tene nan mes na dje tur ora tambe? Esey te yabi pa traha mas sigur y di miho forma pa bo salud: disciplina diario. Reglamento ta importante, pero ta mas importante con nos ta anda cu e reglanan aki.

Liderazgo ta hunga un papel esencial den esaki. E director ta stipula, pa gran parti, e cultura y estilo di traha den su compania. Duna e bon ehempel ta crucial. Asina ta, no core subi tereno di trabou den bo Audi blitz, bin un rato cana wak rond bon dasha y bacha. E ora bo mes ta cana trapa riba tur e reglanan. Si bo bisti un chaleco y un safetyhat, bo ta manda un mensahe cla y raspa pa tur hende. Esta Jeffrey ta respeta esey. 

Cerca ENNIA nos ta specialista den reconoce riesgo. Tambe ora ta trata salud y seguridad di bo personal. Cu placer nos ta bin bishita bo pa nos sigui papia riba e topico aki. Seguridad ta na prome luga un cuestion di HACI cos hunto.

Traha un sita awor


Sayonara Tiel
ENNIA Corporate Insurance Specialist