Bo ta responsabel pa un suma mas haltu ku bo ta sigurá p’e, kiko awor?


Un aksidente di outo...Danki Dios mayoria bia ta daño material i e gastunan ta keda limitá. Pero kiko ta pasa si e aksidente okashoná leshon físiko permanente serka e kontra partido, anto abo ta responsabel pa esei? E gastunan por akumulá bira hopi haltu.

Ta konosí ku na Merka e tipo di claim di daño akí hopi bia ta kondusí na eksigenshanan di pago di daño i perhuisio hopi haltu. Pero esei ta e kaso akinan tambe awendia. E kantidat di abogado ku ta atendé kasonan di leshon personal a oumentá bastante den nos komunidat. Ta defendé interes i derecho di e víktima den tráfiko muchu mihó ku antes, i un claim di daño di 300.000 florin awendia no ta eksepshon mas.

Abo sa kuantu bo kobertura di WA ta? Mayoria shofùr no sa, i nan no sa tampoko ku bo mes por skohe e suma deseá pa bo kobertura di WA.

Sigun lei bo mester tin un kobertura mínimo di WA di f 90.000. Ku un seguro di outo di ENNIA bo tin un kobertura di WA stándart di f 150.000. Esaki ta parse sufisiente, pero gastunan di hospital, invalides, etc. por surpasá e suma akí fásilmente. Komo esun responsabel lo bo mester paga tur e gastunan akí, sea ku bo ta sigurá òf no. Ta sabí pues pa subi e suma sigurá hasi f 250.000, f 500.000 òf f 1.000.000.

Figurá bo un claim di daño di un aksidente ta f 350.000, i bo seguro WA ta kubri solamente f 150.000. Den un kaso asina abo mes lo mester paga e kontra partido f 200.000. Esaki ta bira bo pesadia! Bo ta haña bo ta bende bo kas i otro propiedatnan.

 

Sufisiente kobertura di WA ta nifiká  trankilidat pa bo mes, pero tambe pa e kontra partido. Bo kompania di seguro ta paga e gastunan di daño, di manera ku nan por sigui ku nan bida, i abo tambe.

No ta kosta hopi pa subi bo kobertura di WA. Akinan bo ta mira algun ehèmpel di e prima di WA:

 

Kobertura WA
f 150.000
$ 83.799

Kobertura WA
f 250.000
$ 139.665

Kobertura WA
f 500.000
$ 279.330

Balor di katalòg di outo

Prima anual

 Prima anual

Prima anual

f 35.000 ($ 19.230) f 808 ($ 444) f 1.020 ($ 560) f 1.260 ($ 692)
f 50.000 ($ 27476) f 990 ($ 544) f 1.254 ($ 689) f 1.551 ($ 852)

E sumanan akí ta bira ménos si bo tin deskuento di no-claim. Kobertura máksimo di WA ta 1 mion florin.

Kuantu oumento di mi kobertura di WA ta kosta?

Pregunta? Laga nos sa

Mas notisia tokante ENNIA