Un momentu di deskuido den tráfiko

Ku konsekuenshanan dramátiko.

Lesa aki historia di Rileyson, ku a resultá víktima di un aksidente den tráfiko djis pa un momentu di deskuido di un shofùr di outo.

Un outo sigurá na ENNIA tabata koriendo riba Rooseveltweg i a baha fo’i kaminda p’e subi lugá di parker di un minimarket. E shofùr no a balotá e distansha bon i a dal den Rileyson ku tabata aserkando riba su skuter.

N’e momentu ei a parse ku Rileyson no a sufri masha daño físiko, e tabatin solamente algun raspu na su man- i pianan. Tòg a hib’é hospital pasó e no tabata sinti su mes bon. Einan hopi lihé Rileyson su kondishon a bai atras. E no por kana ni papia mas. Su moveshonnan ta limitá. A resultá ku den e aksidente el a sufri daño hopi serio na su selebre.

Despues di a pasa algun luna den hospital, aktualmente e ta risibí kuido na kas i ta drumí 24/7 riba kama. Mester a rekonstruí su kamber, i tambe a krea un hardin rondó di su kamber di manera ku e por sinti su mes un tiki mas alegre.

Rileyson su mama i wela ta kuid’é. Su mama a kita fo’i trabou pa por kuid’é i awor ta risibí yudansa finansiero di famia pa e alimentashon spesial i vitaminanan ku Rileyson mester usa.

Kuantu oumento di mi kobertura di WA ta kosta?

ENNIA a paga e daño material, i e daño pa loke ta trata leshon físiko ta den tratamentu aktualmente. Ta bai kobra tur gastu relatá na e aksidente akí riba e pólisa WA di shofùr di e outo. E gastunan akí ta entre otro daño na e skuter, transporte di ambulans, kuido (para)-médiko, gastu di e dianan ku e víktima tabata hospitalisá, adaptashon na e kas, kuido diario i alimentashon spesial.

Un fayo chikitu por tin konsekuenshanan grandi. Sòru pa bo kobertura di WA ta sufisiente, ya e víktima no mester dependé di bo situashon finansiero. Tuma konseho serka bo broker.

Pregunta? Laga nos sa

Mas notisia tokante ENNIA