Kontakto via medionan digital nobo: rápido, transparente i fásil

Ta importante pa bo seguronan ta na òrdu. Nos ta yuda bo k’esei. Nos ta konsehá bo i kontestá bo preguntanan rápido. Kisas bo ta pensa: mi ke sa tal kos, mi ta yama puntra. Pero hopi bia esei no ta e manera mas lihé. Diskubrí kua ta e sistema mas inteligente.

Si bo yama nos ku un pregunta, tin bia por dura mas tantu ku bo ta spera pa bo haña un kontesta. Tin ora tin tempu di espera, òf nan ta komuniká bo ku un otro persona i bo mester bolbe konta bo historia. Tambe no ta semper por duna bo un kontesta mésora pasó mester buska e informashon pa por yama bo bèk despues. Kisas nèt ora nos yama, abo no por kontestá bo telefon. Esei ta e parti ferfelu di yama telefon.

Ta mas sabí, rápido i ekonómiko pa:

  • Chèt via LiveChat aki.
  • Ep  WhatsApp
  • Manda un mensahe via Facebook, Messenger òf Instagram.

Kon bo ke men mas sabí, rápido i ekonómiko?

Diskubrí e komodidat di nos medionan digital. Nada ku warda na telefon. Bo ta hasi bo pregunta i sigui ku bo kosnan. E kontesta ta yega serka bo dimes. Ta hopi kómodo, i e no ta kosta bo sèn na telefon tampoko.

-Chèt
Riba ennia.com nos tin live chat. Ku un simpel chèt bo tin bo kontesta mésora. Pa pregunta via nos medionan digital nos tin un tim spesial di Webcare disponibel. Ta un tiki drùk? Djis un ratu despues bo ta mira e kontesta riba bo pantaya. Niun molèster.

 -Ep
Tambe ta fásil. Djis èp bo pregunta fo’i bo selular. Esei ta dirèkt i transparente.

-Mensahe
Nos ta alkansabel via Facebook, Messenger òf Instagram tambe, fásil si bo ta un fanátiko di social media.

-Formulario di kontakto
Un di kuater posibilidat ta ku bo ta usa nos formulario di kontakto aki. Nos ta tuma kontakto ku bo mas pronto posibel.

Tambe nos por kompartí dokumento fásilmente via e medionan digital nobo. Asina bo por warda e dokumentonan mes ora riba bo PC òf lèptòp.

B’a gusta?

Sufisiente eskoho pues. Tur esaki pa spar bo tempu. Purb’é un bia. Nos tin gana di tende kon bo ta hañ’é.

Bo ke papia mas amplio ku nos i kompartí bo historia? Naturalmente esaki tambe por. Den un kaso asina, yama nos ta un bon opshon. Of kisas mihó ainda: pasa serka nos. Ta mas kómodo. Sa en todo kaso ku nos ta pará kla p’abo. Kon ku bo aserká nos.