Interupcion di coriente durante awacero y mal tempo: asina bo ta hacie.

Nos ta memey di e temporada di horcan. For di prome di juni te cu 30 di november e chens ta grandi cu e islanan Caribense ta haya nan confronta cu un depresion tropical, mal tempo of horcan. E combinacion di biento fuerte y awacero duro por causa cu coriente ta cay afo. Con esaki por pasa y con bo por preveni esaki, nos ta splica bo den e articulo aki.

Si coriente cay afo durante mal tempo of awacero, hopi biaha esaki ta un señal cu algo falta e instalacion di coriente. E fayo ta indica den hopi caso cu partinan cu ta pafo di cas – manera stopcontact, plug, lampi y coneccionnan di cabel- no ta seya pa awa. Asina cu algo di humedad yega cerca, e breaker den e cashi ta bula of e fusenan di un cashi di coriente tradicional, ta kima.

Gara e problema na su rais

Aunke ta hopi fastioso pa keda sin coriente, ta importante pa no djis hisa e breakernan bek. Bo ta ignora e problema? E ora bo tin chens cu e wayanan ta keinta di mas y por esta causa candela. Ta miho pa busca e causa di e problema: wak si bo por saca afo unda awa por a drenta te muha e wayanan, di modo cu bo por drecha esaki y preveni pio daño.

Conduci un chekeo preventivo

Si bo sa tin problema cu coriente mas biaha ora di yobida, e ora lo ta bon pa laga un profesional bin wak bo instalacion di coriente. E lo por evalua tur esaki y eventualmente duna conseho pa modernisa bo instalacion di coriente pa asina e por cumpli cu e ultimo exigencianan di seguridad. Meter di coriente y e fuse principal (PZ) awendia ta wordo poni pafo den un construccion di beton. Esaki ta mas fuerte y ta forma un miho proteccion contra mal tempo. 

Aardlekbreaker

Ademas, e actual exigencianan di seguridad di companianan di electricidad ta cu instalacionnan domestico nobo mester tin un fusebox cu aardlekbreakers. E aardlekbreaker ta un mecanismo di seguridad cu ta desactiva e defecto automaticamente. Lo bo por keda un rato sin coriente ora tin awacero pisa of tempestad, pero bo ta preveni pio daño of daño permanente. Abo tin un cashi cu fuse sistema bieu ainda? Considera pa remplasa esaki pa un cashi di breaker mas safe.

Manual den caso di mal tempo & horcan

Bo ta desea pa sa kico mas bo lo por haci pa prepara bo mes riba un tormenta tropical of horcan? Download e ‘Manual ora di mal tempo & horcan’ di ENNIA. Aki bo por lesa no solamente cu ta miho pa desactiva e breaker principal di bo instalacion di coriente ora tin un horcan na caminda, pero bo ta haya tambe un checklist di asistencia ora di emergencia, tip pa ahustacion den cas y mas informacion tocante shelter.