Bo ta responsabel pa un suma mas halto cu e suma pa cual bo ta sigura, kico awor?

Un desgracia di auto… mayoria bes ta keda na daño material so y e gastonan ta razonabel. Pero kico ta pasa, si e desgracia ta encera daño cu lesion serio cu consecuencianan permanente cerca e otro partida y abo ta keda responsabel pa esey? E ora si, e gastonan por incrementa considerabelmente.

Nos sa cu na Merca e tipo di claimnan di daño y perhuicio aki, usualmente ta conduci na recompensacionnan di daño y perhuicio halto, pero aki tambe esey ta tuma lugar awendia.

E cantidad di abogado di lesion personal den nos comunidad, a incrementa enormemente den e ultimo añanan. E beneficio y derechonan di victimanan di trafico ta wordo miho defende cu antes, y un claim di 300.000 florin awendia no ta un excepcion mas.

Abo sa cuanto cobertura di WA bo tin? Mayoria manehador no sa esaki, y no sa tampoco cu bo mes por scoge e suma di bo cobertura di WA.

Segun ley bo mester di un cobertura WA (Tercer Parti) minimal di f 90.000.

Cu un seguro di auto di Ennia bo ta haya standaard un cobertura di WA f 150.000.

Esaki ta parce suficiente, pero e costonan pa hospitalisacion, incapacidad laboral, etc masha lihe ta surpasa e suma ey. Y como partida responsabel lo bo tin cu paga tur e gastonan aki, si bo ta sigura pa nan of no. Lo ta un bon idea pa aumenta e suma aki  pa f 250.000, f 500.000 of f 1.000.000.

Imagina bo cu e claim di un desgracia ta f 350.000, y e seguro di WA ta cubri esaki pa solamente f 150.000. Den e caso aki bo mes tin cu paga e contrapartida f 200,000 ainda. Esaki lo bira bo pesadia! Lo bo tin cu bende bo cas y bo pertenencianan pa cubri esaki.

Un seguro di WA suficiente no ta solamente un trankilidad pa bo mes, pero tambe pa e contrapartida. Nan  gastonan di daño y perhuicio ta wordo paga pa bo compania di seguro di manera cu nan tambe por sigui cu nan bida.

No ta costa mucho pa aumenta bo cobertura di seguro WA.

Aki bo por mira algun ehempel di primanan di WA:

 

Cobertura WA
f 150.000
$ 83.799

Cobertura WA
f 250.000
$ 139.665

Cobertura WA
f 500.000
$ 279.330

Balor di catalogo  Prima anual  Prima anual  Prima anual
f 35.000 ($ 19.230) f 808 ($ 444) f 1.020 ($ 560) f 1.260 ($ 692)
f 50.000 ($ 27476) f 990 ($ 544) f 1.254 ($ 689) f 1.551 ($ 852)

E sumanan aki ta mas abou cu bo descuento di No-Claim. E cobertura maximo di bo seguro WA ta 1 miyon florin.

Cuanto costa aumento di mi cobertura WA?

Pregunta? Laga nos sa.

Mas noticia di ENNIA