Hopi bia bo ta skapa. Pero kiko awor, ésun solo bia ku algu bai robes?

Bo tambe konosé e momentunan ei: B’a skapa nèt. Danki Dios, pasó di otro manera  kos lo no a kaba bon. Bo angel wardadó a protehá bo, i bo ta sigui bo kaminda bon konsiente di tur loke por a pasa. Pero kiko awor, ésun solo bia ku algu bai robes? Un aksidente serio ku leshon permanente. Un aksidente ta djis tra’i porta i statistik ta mustra ku ta pasa mas aksidente ku bo ta kere.

Den nos bida privá nos mes ta hasi hopi kos; na kas, serka famia òf amigu. Traha den kurá, riba bo outo òf kas. Durante wega òf deporte tambe un aksidente chikí por kousa  un leshon grandi ku bo mester biba kuné pa restu di bo bida. Anto kiko bo ta pensa di aksidente di tráfiko? Esaki tambe por tin konsekuensha dramátiko.

Aksidente? Bo no ke ni pensa riba e kos ei

I tòg ta bon pa de bes en kuando bo pensa riba esaki. Ami por sa, den mi trabou bastante regular mi ta topa hende ku pa motibu di un simpel aksidente a pèrdè tur kos.

Mi ta pensa akinan riba Dean, un gai di mas o ménos 40 aña. E tabata kontentu ku su kas, kaminda e tabata biba ku su famia. E tabata mantené e kas bon. Pero kiko a pasa? Durante fèrfmentu el a kai fo’i trapi i keda parsialmente paralisá. E no por kana mas. El a pèrdè su trabou i tambe su kas stimá. E no por a paga hipotek mas. Un situashon hopi ferfelu. Lo tabata bon si despues di e aksidente e lo por a risibí un bon suma, pa di sierto forma tòg kompensá e leshon serio ku el a sufri. En todo kaso e ora ei e lo por a tuma su tempu pa regla su bida di un otro manera.

Un suma èkstra asina bo ta haña ora bo tin un Seguro di Aksidente. Kòrtiku spliká: ta paga un suma si pa motibu di un aksidente bo bira (parsialmente) inválido òf fayesé. Un suma asina ta duna abo òf bo famia serkano e chèns pa sigui ku nan bida despues di un aksidente serio.

Ora di aksidente hopi hende mésora ta pensa riba nan Seguro di Kuido. Esei ta e seguro ku ta paga gastu médiko. E seguro ei ta pa paga gastu di dòkter i hospital. Seguro di Aksidente ta otro. Esaki ta paga un suma na abo òf bo famia. Sèn ku bo por usa hopi bon na un momentu asina.

Bo ke sa mas? Traha un sita ku mi.

Juliska Cijntje-web.png

 

 

 


Juliska Cijntje
Cördinator Customer Relations

Kontakto

Mira mas informashon den e resúmen riba nos blòg