Hopi biaha bo ta scapa. Pero kico si cos bay robes net esun biaha ey?
Bo conoce e momentonan ey: di chiripa bo a scapa. Dios gracia, sino cos lo no a caba bon. Bo tabatin un angel riba bo schouder y cu mas cuidao bo ta sigui bo caminda. Pero kico si un bes cos bay robes di berdad? Un accidente serio cu lesion permanente. Un accidente t’ey mes bo dilanti y statisticanan ta indica cu nan ta pasa mas cu hende ta pensa.
Den nos oranan liber, nos ta haci tur sorto di trabou chikito; na cas, cerca famia of amigo. Traha den cura, riba auto of den cas. Tambe ora di wega of deporte un ‘accidente chikito’ por causa lesionnan grave cu abo tin cu sigui wak con pa deal cu ne pa resto di bo bida. Y kico bo ta pensa di un desgracia di auto. Esey tambe por termina dramatico.
Sufrimento? Bo no kier pensa riba esey
Y toch ta bon pa haci esey si de bes en cuando. Y ami por sa, pasobra den mi trabou hopi bes mi ta topa cu hende cu pa motibo di un simpel desgracia diripiente ta haya nan te na suela.
Mi tin cu pensa riba Dean, un muchahomber di cuarenta aña. E tabata feliz cu su cas unda e tabata biba cu su famia. E tabata mantene e cas bon. Pero kico a sosode: ora e tabata verf, el a cay for di e trapi y ta keda parcialmente paralisa. E no por a cana mas. E no a perde solamente su trabou, pero tambe su cas cu e tabata stima. E no por a sigui paga su hipoteca. Hopi tristo di berdad. Ki bunita solucion lo tabata si e por a haya un suma cuantioso paga debi na e daño grave aki. E ora den tur caso, e lo por a tuma su tempo pa recupera su bida.
Un suma adicional asina bo ta ricibi cu un seguro di accidente. Den corto: ta paga placa den caso di accidente si abo keda (parcialmente) inbalido of fayece. Un suma cu ta ofrece abo of bo sernan keri e posibilidad pa bolbe sigui biba, miho cu bo por despues di un accidente serio asina.
Hopi hende ta pensa ora nan tende e palabra desgracia di biaha na nan seguro medico. Esey ta e recompensa cu bo ta haya pa cuido medico. E seguro ey tey pa cubri gastonan di docter y hospital. E seguro di accidente ta diferente, esey ta trata di pago na abo (of bo famia). Placa cu na e momento ey abo lo por uza hopi bon mes.
Pa mas informacion, traha un cita cu mi.
Juliska Cijntje
Cördinator Customer Relations