Kon bo ta sobrebibí fayesementu repentino di bo pareha? Serena (38) ta konta
Destino di tur amor: riba un dia bo ta pará bo so. Hende muhé mas tantu ku hende hòmber, pasó generalmente nan ta biba mas largu.Tin bia bo ta mira ku e final ta yegando. Hopi bia nò. Serena ta konta tokante su imenso tristesa i kon el a logra superá esaki. “Mi tabata kompletamente kibrá, i tabata sera mi mes den kas, mi no kier a mira niun hende. Pero poko poko mi a logra gatia sali for di e buraku pretu hundu ei. Awor mi por gosa di bida atrobe, di e solo ku ta sali tur dia, di kada dia nobo ku ta presentá.”
“M’a yora te min’ ta por mas”
Orlando, kasá di Serena, a muri di un atake di kurason durante trabou. “Mainta ora e tabata bayendo e tabatin un sorpresa p’ami. El a reservá pa nos bai kome na un restorant chikitu masha prèt mes e anochi ei. E tabata gosa di bida. Esei kisas ta loke mi ta sinti mas falta di dje. Sali pasa dushi huntu kuné.”
“Ni maske kon bon e hendenan rondó di mi a kuida i apoyá mi, mi tabata sinti mi mi so riba mundu. M’a yora te min’ ta por mas. Mi tabata tristu i tabata sinti mi desampará. Min’ ta sa nada. Banda di mi trabou parttime mi tabata hasi solamente trabounan di kas. Tur otro kos Orlando tabata regla.”
“Despues di algun luna mi a papia serio ku mi mes. Uniko kos ku mi tabata hasi ta drumi riba sofa dilanti un televishon. Min’ por a sigui asina. M’a duna mi mes diferente tarea, maske min’ tabatin niun tiki gana di hasi nada. Limpia kas, bai kumpra kos, laba i strika, i kana keiru ku mi prima. Masha simpel, kada dia algun aktividat. Asina mi a logra krea un struktura den mi bida atrobe.”
“Danki Dios mi no mester a sali fo’i mi kas”
“Nos no tabatin hopi entrada. Orlando tabata traha den konstrukshon. Nos no tabata spar mashá. Nos tabata preferá sali bai kome òf algu asina. Pero despues ku nos promé yu a nase Orlando a sera un seguro di bida si. E no kier a ni imaginá ku algu ta pas’é, antó nos ta keda atras sin entrada. Danki na e kapital èkstra ei nos por a keda biba den nos kas. Danki Dios, pasó kòrda ku nos mester a muda tambe..”
“Ya ta 7 aña pasá ku Orlando a bai. Ta bai bon ku mi. Mi ta tra full time na un kantor. E muchanan ta bai skol sekundario i danki Dios nan ta bai bon. De bes en kuando mi ta bai laman ku mi prima. Mi no ta laga e kòrtinanan será mas. Tin ora mi ta tende Orlando su stèm ta bisa mi pa mi sali dibertí.”
Lamentablemente bo no por protehá bo mes kontra pèrdida grandi, pero bo por sigurá bo mes di sufisiente tempu si pa prosesá e pèrdida. Tuma kontakto ku nos libremente. Ku plaser nos ta yuda bo ku konseho.
Lesa nos otro artíkulonan tambe
Fayo kostoso: pago di Sonny su seguro di bida no ta bai pa su kompañera di bida.
Bo famia ta bon protehá den kaso ku algu pasa ku bo?