Protekshon di no-claim: Hasi bo mes i bo pòtmoni un fabor

Kumpra un outo ta dushi, pero kon bo ta tene esaki pagabel? Pa kumpra e outo bo mester saka un suma konsiderabel kaba. Anto ainda ta bini seguro aserka. Bo ke gosa mas tantu posibel di bo invershon. Ku plaser mi ta duna bo 2 tep pa evitá gastu innesesario.

Tip 1

Mi ta pensa akinan riba Roberto, un amigu di mi. E tin su mes negoshi i a disidí ku el a traha sufisiente duru pa por regalá su mes un Porsche. E tabatin su presioso outo nèt un luna, ora su kasá Faya a puntr’é riba un djasabra atardi si e por bai mustra su amiga e orguyo nobo di su kasá.  Faya ta un muhé ku stima su hilchi haltu. Masha bunita, pero no masha práktiko ora ta kore outo. Na kaminda diripiente Faya mester a kue brek, pero su hilchi a keda pegá den e mat… Ku esaki mi a yega na nos promé tep: Kore sin daño hopi bia tin di haber ku kosnan chikitu. Nos tur sa bon bon ku hilchi haltu no ta ideal pa kore outo. Pero ya, semper e ta bai bon…. Wèl, no semper. Esaki ta konta pa slòf tambe. Bo pia por slep sali bai ora di primi pedal. Ta kosnan ku nan a investigá i prueba. Nos konseho: no hasié.

No ta pòrnada b’a hera…

Anto asina tin hopi kos chikitu mas. Bo tambe sa di nan. Djis bira manda un èp turesten bo ta stür. Of lèn kue algu ku a lora bai bo’i stul. Djis bira kue e bòter di awa fo’i den bo tas. No pensa, “Ai ta djis un kos chikitu” pero netamente purba hasié bo prioridat pa paga tinu na kosnan chikitu asina. Kue pida papel i nota bo tòp 5 di kosnan chikitu ku a hera di pone bo dal outo. Kisas bo tambe ta nota sapatu hilchi haltu òf slòf. Trahando un lista asina inkonsientemente bo ta bai pone èkstra atenshon na kosnan chikitu.

Tip 2

Pero ni maske kuantu atenshon bo pone, niun hende no por kore outo perfekto. Nos tur ta hende, i hende ta kometé eror. Ta kos ku por pasa, i ta p’esei bo ta sigurá tambe. Pero un aksidente di outo asina por kosta bo un bon parti di e rebaho di no-claim ku bo a akumulá. Hasi bo mes i bo pòtmòni un fabor i sera un seguro pa protekshon di bo no-claim. Aksidente òf nò: bo no-claim ta keda intakto. Esaki por resultá den un suma konsiderabel. Bo ke sa mas? 

No-claimbeschermer

Traha un sita awor

Juliska Cijntje-web.png
Juliska Cijntje
Cördinator Customer Relations