Bo famia ta bon protehá den kaso ku algu pasa ku bo?

Abo ku bo amiganan ta pasando un ratu dushi ku otro bebiendo kòfi sintá riba pòrch, tanten e muchanan ta kore hunga den kurá. Un di bo amiganan ta kuminsá konta un historia konmovedor tokante un bon konosí di dje.

 “Mi konosé hopi tempu kaba. E tin 32 aña i tin 3 yu. Un mucha hòmber di 4 aña i 2 mucha muhé oochi di 1 aña. Algun siman pasá su kasá a fayesé diripiente. Serio, e tabatin 34 aña so i tabata biba salú, tabata mustra bon i no tabata huma. Niun hende no a spera e kos ei. Realmente horibel.”

Awor diripiente e ta pará su so. E tin un trabou part time, pero loke e ta gana ku esei no ta sufisiente pa paga tur kos. Seguro a paga e debe di hipotek i awor e kas ta sin debe riba su nòmber, pero aparte di esei e no tin nada mas. Mester a usa gran parti di e sèn ku nan tabatin di spar kaba pa paga e promé gastunan despues di fayesementu.

No tin sufisiente sèn pa paga tur e gastunan mensual.

E ta desesperá i den shòk. E no tin ni tempu pa prosesá e pèrdida akí huntu ku su yunan. Awor e mester buska un manera pa nan por sigui biba. No tin sufisiente sèn pa paga tur e gastunan mensual. E mester bai traha full time, tanten nèt awor e muchanan mester di su atenshon. E pregunta ta si e ta logra haña un trabou full time asina lihé, i tambe akohida pa e muchanan. Ban spera pronto e ta haña un trabou ku ta paga sufisiente, pasó kria tres yu bo so no ta wega!”

Un di e amiganan ku tabata skucha e historia ku hopi atenshon ta konta su eksperiensha ku su bisiña algun aña pasá. “Su kasá tambe a fayesé diripiente, pero nan sí a regla protekshon finansiero den kaso ku un di e mayornan fayesé tanten e muchanan ta biba na kas ainda. Ta fásil i hopi pagabel pa bo prepará bo mes pa e konsekuenshanan finansiero di un situashon fèrfelu asina.

Durante e promé añanan tabatin sufisiente sèn pa kubri tur gastu i pa por a kuida e muchanan bon.

Na momentu ku nan promé yu a nanse nan a sera e seguro akí mésora. Despues di fayesementu di su kasá mésora e kompania di seguro a paga nan un kapital, di manera ku nan no a kai dirèkt den problema finansiero. Durante e promé añanan tabatin sufisiente sèn pa kubri tur gastu i pa por a kuida e muchanan bon.  E bisiña huntu ku su yunan por a prosesá su tristesa di un manera normal sin prekupashon finansiero agudo.”

Nos ta preferá di no pensa riba susesonan ku ta surgi diripiente asina akí, pero nan por kambia bo bida kompletu. Pues ta sabí pa bo ta finansieramente prepará pa un situashon asina.

Si bo ke mas informashon tokante protekshon finansiero pa bo famia den kaso ku un di e mayornan fayesé diripiente, traha un sita awor pa un kombersashon di konseho. Bo ta komprondé mésora  kon tur kos ta hinká den otro, i kon fásil i pagabel esaki ta.

Kontakto

Lesa nos otro artíkulonan tambe

Kon bo ta sobrebibí fayesementu repentino di bo pareha? Serena (38) ta konta.

Fayo kostoso: pago di Sonny su seguro di bida no ta bai pa su kompañera di bida.