Bo famia ta bon proteha si algo pasa cu bo?

Un mainta, abo cu bo amiganan ta sinta bebe koffie pasando un rato ameno mientras e muchanan ta hunga den cura. Un di bo amiganan ta conta un storia emocionante di locual a pasa un bon conoci di dje.

“Mi conoc’e añanan largo caba. E tin 32 aña cu 3 yiu, un muchahomber di cuatro y dos muchamuhe, un par di morocho di un aña. Su casa a cay muri diripiente algun siman pasa! Si, e tabatin solamente 34 aña y tabata biba saludabel, mustra bon y e no tabata huma. Niun hende no a spera e cos aki. Hopi teribel mes.

Awor el a keda su so pa atende cu tur cos. E tin un trabou part-time, pero loke e ta gana no ta yega at all pa paga tur gasto. Su seguro a paga e debe di e hipoteca y e cas awor ta riba su nomber pero ademas di esey e no tin nada mas. Mayoria di nan placa di spaar ya a wordo uza pa cubri e prome gastonan di entiero.

Placa no ta yega pa paga tur e gastonan di tur luna.

E ta desespera y den shock. E no tin tempo pa supera e tristesa aki cu su yiunan. Awor e tin cu busca pa sa con nan bida tin cu sigui awor.  Placa no ta yega pa paga tur e gastonan di tur luna. E tin cu bay traha fulltime, net awor cu e yiunan mester di dje mas cu nunca. E pregunta ta con lihe e ta logra haya un trabou fulltime y un bon luga pa laga su yiunan.  Ta di spera cu pronto e haya un trabou cu ta pag’e suficiente, pasobra cria tres yiu chikito bo so, no ta facil!”

Un di e amiganan cu a sinta scucha e storia cu atencion, ta conta algo cu a pasa cu su bisiña algun aña atras. “Su casa tambe a cay muri repentino, pero nan a regla proteccion financiero pa den caso cu un di e mayornan yega na fayece mientras e yiunan ta den cas ainda. Ta facil y hopi pagabel pa prepara bo mes riba consecuencianan financiero di un situacion fastioso asina.

Den e prome añanan tabatin suficiente placa pa paga tur gasto y pa duna e yiunan un bon cuido.

Asina cu nan a haya yiu, nan a cera e seguro aki. Mesora despues cu su casa a fayece, nan a haya un cierto suma paga di e compania di seguro, pa cual nan no a haya nan mes directamente den problema financiero. Den e prome añanan tabatin suficiente placa pa paga tur gasto y pa duna e yiunan un bon cuido. E bisiña por a pasa door di e tristesa aki na un manera normal cu su yiunan sin wordo stroba pa problemanan financiero urgente.”

Nos ta prefera pa no pensa riba esaki, pero e tipo di acontecimentonan aki ta bolter hende su bida completamente cabes abou. Asina ta cu lo ta hopi bon pa ta financieramente prepara riba un situacion asina.

Bo kier sa mas con pa proteha bo famia financieramente den caso cu un di e mayornan yega na fayece inesperadamente? Tuma libramente contacto cu nos. Cu placer nos ta duna bo conseho. 

Contacto

 

Lesa nos otro articulonan tambe

Un eror grave: e seguro di Sonny no ta bay pa e amor di su bida.

Con bo ta surpasa morto repentino di bo pareha? Serena (38) ta conta.