Papiamentu

Tep di prevenshon pa fakansi. Nos ta deseá bo bon biahe!

Rilèks un tiki, pasa un tempu sin hasi nèt nèt nada. Bo tin gana pa bo fakansi yega pa kaba. Un temporada pa bo gosa sin prekupashon. P’esei ta hopi fèrfelu ora algu pasá bo durante bo fakansi. Kosnan ku ta daña òf nan ta hòrta, òf si bo bira malu òf resultá heridá durante bo biahe. Ku plaser nos ta yuda bo hasi bo fakansi mas dushi posibel.

Download Tep di Prevenshon pa Fakansi aki


TEP PA UN BON PREPARASHON


1. Biaha den bon kondishon

Stòp di traha algun dia promé ku bo biahe, ya bo por biaha bon sosegá. Asina bo por disfrutá di bo fakansi for di e promé dia kaba,  i bo no tin mester di 3 dia pa bo bini bei di tur e strès di tantu trabou duru.

Bo ta bai kore outo den eksterior? E ora ei ta èkstra importante pa bo evitá aksidente!


2. Tep pa evitá kiebro na bo kas.

  • No menshoná riba social media òf bo kontestadó ku bo ta ku fakansi.
  • Sòru pa lus ta sende den bo kas na diferente ora i na diferente parti  ora bira skur. Por hasi esaki ku un timer.
  • Avisá  bo bisiñanan ku bo ta bai ku fakansi, di manera ku nan por tira un bista i atendé bo pòst.
  • Pone un outo na subida di bo garashi;  eventualmente un otro outo di bo mes òf esun di bo bisiña.
  • Laga algun ko’i hunga tirá den kurá, pone algun kòpi di kòfi riba mesa i pone un korant di tal manera ku ta parse ku tin hende ta keda den e e kas.


3. Informá esnan ku ta keda kas.

Informá por lo ménos un hende ku ta keda kas tokante bo estadia den eksterior. Sòru pa esnan ku ta keda kas tin datonan importante manera unda bo ta hospedá, numbernan di pólisanan di seguro, kopianan di bo pasport i reibeweis, numbernan di buelo etc.


4. Traha un cheklist

Evitá ku bo ta lubidá dokumento-i otro kosnan importante ora bo ta bai biaha. Ta kos ku sa pasa durante tur kore kore promé ku un biahe. Traha un cheklist, di manera ku bo no tin mester di wòri ku esaki.

  • Pasport, kontrolá fecha di vensementu.
  • Dokumentonan di seguro di biahe i di kuido.
  • Bo karchi di banko (hisa límite pa uso den eksterior adelantá), sèn kèsh, creditcard.
  • Pasashi.
  • Sèt di EHBO.
  • Warda numbernan di telefon importante.
  • Eventual remedinan.
  • Telefon selular bon kargá ku eventualmente èkstra bateria.


5. Kopia

Sòru pa semper bo tin kopia di dokumentonan importante. Den kaso ku nan hòrta por ehèmpel bo pasport, si bo por mustra un kopia bo por haña un dokumento pa remplasá esaki mas lihé. Bo por biaha ku e kopianan, pero bo por manda nan na bo mes e-mail adrès tambe. Asina rònt  mundu bo tin akseso na nan.


6. Kompará bo seguro di kuido i di biahe

Por pasa ku tantu bo seguro di biahe komo esun di kuido ta kubri bo gastunan. P’esei ta kumbiní bo kompará bo seguro di kuido ku bo seguro di biahe. Den kaso ku tòg bo bira malu ta dushi si bo ta sigurá. P’esei bo tin un seguro di biahe. Un seguro di biahe ta un kolekshon di kobertura ku hopi bia otro seguronan tambe ta kubri. Gastu médiko den eksterior por ehèmpel ta kubrí te na sierto límite den e pakete di seguro di kuido básiko.


7. Lista  di hospital

Den kaso ku bo bira malu durante bo fakansi, bo ke pa yuda bo bon i rápido. Traha adelantá un lista di hospital na bo destinashon. Asina den kaso di emergensha bo por aktua rápido.

8. Last but not least: sera un seguro di biahe

Kuater motibu pakiko un seguro di biahe ta nesesario.

  • Bo ta sigurá pa gastu médiko den eksterior, loke awendia no ta kubrí den e pakete obligatorio di seguro básiko pa kuido médiko.
  • Bo ta sigurá pa e gastunan den kaso ku bo mester regresá kas inesperá i promé ku ora.
  • Bo ta sigurá pa daño, pèrdida i ladronisia di bo ekipahe di biahe i pertinenshanan.
  • Bo ta bai ku fakansi i ke gosa sin prekupashon.

Pa un suma chikitu bo por kompensá un pèrdida grandi. Den kaso ku algu pasa bo no tin prekupashon finansiero. Ku un seguro di biahe di ENNIA bo fakansi ta èkstra dushi.

Seguro di biahe di ENNIA

  • Fásil pa sera
  • 24/7 online tambe riba tablèt òf selular.
  • Kobertura amplio, mira e resúmen di kobertura.
  • Seguro di biahe di durashon kòrtiku, for di f 1,75 ($1)pa dia kaba.
  • Seguro di biahe kontinuo, for di f 130 florin ($71) pa aña kaba.
  • Te riba dia di bo biahe i asta ainda den sala di salida di èrpòrt.

Konsiderá tambe un seguro di kanselashon si bo a hasi hopi gastu adelantá. E ora ei bo ta sigurá kontra konsekuenshanan finansiero di kanselashon, interupshon òf retraso di bo biahe.

 

 

TEP DURANTE  BIAHE


1. Keda alerta

Tin ora biahamentu ta sofokante. Antó hopi bia wardamentu tambe ta parti  di bo biahe. E kombinashon akí por hasí bo ménos alerta. Of bo ta tira un kabes turesten bo ta warda. Sòru pa bo ekipahe (di man) ta mas serka posibel di bo. Por ehèmpel, bo por mara un tas òf rugzak ku un kabuya òf faha na bo mes. Di e manera akí bo ta spièrta si un hende mishi ku bo kosnan.


2. Tipo di ekipahe mas hòrtá

Paga bon tinu na bo kosnan ora bo ta sintá dushi riba un tèras òf den un bùs di siudat drùk.  Evitá desepshon. E tipo di ekipahe ku sa surgi mas problema kuné ta:

  1. Kámara di saka potrèt.
  2. Telefon selular.
  3. Brel (di solo).
  4. Maleta.
  5. Paña di bisti.


3. Mas serka mihó

No ta tur ora bo tin bo ekipahe grandi na bista. Riba e kosnan mas chikitu bo tin un tiki mas kòntròl. Purba karga kosnan di balor i kosnan ku bo stima mas serka posibel riba bo kurpa. Sòru en todo kaso pa semper bo tin sèn i dokumentonan importante na un lugá sigur huntu ku bo.


4. Artíkulonan kostoso

No kana ku bo artíkulonan kostoso manera bo telefon, kámara i tablèt muchu na bista. Laga hoya karu òf kadena  di oro seif na kas.


5. Semper hasi denunsia

Si tòg algu bai robes, semper hasi denunsia na polis lokal i pidi un kopia di e prosès verbal. Nos mester di esaki ora ta evaluá bo daño.


TEP DI HIGIENA DURANTE BIAHE

Un biahe pa eksterior ta nifiká un otro ambiente, otro hende i otro kustumber. Bo ta disfrutá di esaki. Pero e otro ambiente ei por okashoná ku bo ta bira malu òf resultá heridá tambe. 1 di kada 5 biahero ta bira malu durante nan fakansi. Ku plaser nos ta duna bo algun tep pa limitá e riesgonan akí.


1. Tene bo mannan limpi

Diarea durante fakansi hopi bia ta konsekuensha di kontaminashon ku bakteria via bo mannan.  P’esei laba bo mannan regularmente. Of limpia nan ku e dukinan pa desinfektá òf djèl antibakterial.


2. Kome i bebe

Tin bia den eksterior higiena ta otro fo’i na kas. P’esei paga tinu ora di kome.

Tin un lema pa biahero: hereb’é,  lab’é, kask’é òf lubid’é . Asina  bo ta limitá e chèns ku bo ta mira malu pa motibu di bakteria den komestibel. Den mayoria pais awa di kranchi ta otro fo’i esun na kas. P’esei no bebe awa fo’i kranchi  sino fo’i bòter.


Asistensha di emergensha di ENNIA durante biahe i fakansi

Den kaso ku durante bo biahe òf fakansi pafó di Dutch Caribbean bo mester di asistensha, 1 yamada na nos servisio di emergensha ta sufisiente. ( Solamente bálido pa kliente ku un seguro di kuido i /òf  seguro di biahe).

Nan ta pará kla 24 ora pa dia, 7 dia pa siman pa yudá bo!

Yama Europe Assistance na T: +31 88 8778174.

Purba pa semper bo tin bo number di pólisa  na man i nota adelantá unda i na kua number di telefon por alkansá bo.  Asina nan por yuda bo mas aleu ku bo pregunta  i eventualmente por regla un adelanto di pago.