Papiamento (Aruba)

Tipnan di Prevencion pa Vacansi. Nos ta desea bo un felis biahe!

Relaha un rato, un momento sin haci absolutamente nada. Bo ta anhela na bo vacansi. Un periodo sin preocupacion y pa solamente goza. Pa e motibo aki ta hopi fastioso si algo pasa bo den bo vacansi. Cosnan cu ta daña o wordo horta of ora bo bira malo o keda herida durante bo biahe. Cu placer nos ta yuda bo pa haci bo vacansi mas placentero posibel.

Download Tipnan di Prevencion pa Vacansi aki


TIPNAN PA UN BON PREPARACION


1. Barca den bon condicion

Stop di traha un par di dia prome cu bo biaha pa bo por biaha ful sosega, di modo cu bo lo por gosa ya di e prome dia caba di bo vacansi, sin cu bo tin cu bin bij di stres di tanto traha duro.

Bo ta bay keiro den exterior cu auto? E ora ta mas importante ainda pa biaha ful sosega pa preveni accidente!


2. Tipnan Anti-robo pa cas

  • No menciona riba red social o den bo aparato di contesta cu bo ta cu vacansi.
  • Percura cu na diferente luga, riba diferente orario, tin lus ta cende den cas ora bira scur. Esey bo por logra cu un time switch.
  • Bisa bo bisiñanan cu bo ta bayendo cu vacansi, di modo cu nan por tira un bista y percura pa post cu yega.
  • Staciona un auto dilanti cas ora bo ta cu vacansi y eventualmente un di dos auto di bo mes of esun di e bisiñanan.
  • Laga algun coi hunga tira aki aya riba flur, pone algun kopi riba mesa y tambe un corant pa e cas duna un impresion cu tin hende na cas.


3. Informa esnan cu ta keda tras

Informa por lo menos un cu ta keda tras di bo biahamento pa exterior. Percura pa esnan cu ta keda tras tin datonan importante manera bo luga di estadia, numbernan di polisanan di seguro, copia di paspoort y rijbewijs, number di buelo etc.


4. Traha un checklist

Evita cu bo ta lubida documento y otro cosnan importante ora bo bay biaha. Esaki sa pasa den tur e stress prome bo barca. Traha un checklist, pa asina bo no tin nodi preocupa mas cu esaki.

  • Paspoort, controla fechanan si nan no a caduca.
  • Documentonan di seguro di biahe y medico.
  • Carchi banco (hisa e limite pa exterior di antemano), placa cash, tarheta di credito.
  • Pasashi.
  • Box di EHBO.
  • Warda numbernan di telefon importante.
  • Eventual medicamento.
  • Celular ful carga cu extra cargo si mester.


5. Copia

Percura pa semper bo tin copia di documentonan importante. Si por ehempel bo paspoort wordo horta, bo lo por aplica mas rapido pa un documento di biahe remplasante si bo por entrega un copia. Bo por hiba copianan hunto cu bo ora bo bay cu vacansi, pero bo por email nan tambe pa bo mes. E ora bo por wak nan unda cu ta na mundo.


6. Compara bo seguro medico y di biahe

Por wel di ta cu gastonan ta sigura den bo seguro di biahe y den bo seguro medico tambe. Pesey ta hopi bon pa compara bo seguro medico y bo seguro di biahe. Den caso cu tog bo bira malo ta bon cu bo ta sigura. Pa cu esey bo tin un seguro di biahe. Un seguro di biahe ta un coleccion di cobertura cu hopi biaha ta cubri tambe den otro seguronan. Costonan medico den exterior ta co-sigura te na un limite cu e seguro medico basico.


7. Lista di hospital

Si bo bira malo ora bo ta cu vacansi, bo kier wordo yuda bon y rapido. Traha di antemano un lista di hospital cu tin na bo destinacion. Di e manera aki bo por actua rapido den caso di emergencia.


TIPNAN DURANTE BIAHE


1. Keda alerto

Biaha por ta hopi cansancio. Warda ta un di e cosnan cu ta bin cu biahamento. E combinacion di tur cos hunto por pone cu bo ta menos alerto. O cu bo ta bay den un madoha ora di warda. Percura cu bo ekipahe(di man) ta mas cerca posibel di bo. Bo por mara bo mes tambe por ehempel cu un cabuya na bo tas o  backpack. Asina bo ta spierta si un hende mishi cu bo cosnan.


2. Ekipahe mas horta

Paga bon tino ribabo pertenencianan ora bo ta sinta dushi di bo pafo riba un teraza of den un bus yen di hende. Preveni desilucion. Ekipahe cu mas sa tin problema cu ne ta:

  1. Camara (di saca potret)
  2. Celular
  3. Bril (di solo)
  4. Maleta
  5. Vestuario


3. Mas cerca ta miho

Bo no tin bo ekipahe grandi mesora den bista directo. Bo tin un poco mas control riba cosnan mas chikito. Purba di carga bo pertenencianan cu tin balor y esnan cu ta bo faborito mas pega posibel riba bo curpa. Den tur caso semper percura pa warda placa y otro documentonan importante na un luga safe.


4. Cosnan caro

No carga bo cosnan caro manera por ehempel, bo celular, camara y tablet mucho den bista di hende. Djis laga hoya o cadenanan di oro safe atras na cas.


5. Semper haci denuncia

Den caso cu tog cosnan bay robes, semper haci denuncia na cuerpo policial local y pidi un copia di e raport. Nos ta bay tin mester di esaki ora di evalua daño.


TIPNAN HYGIENICO DURANTE BIAHE

Un biahe pa exterior ta nifica un otro ambiente, otro hende y otro custumber. Bo ta gosa di esey. Pero e otro ambiente ey mes tambe mes por percura cu bo ta bira malo of keda herida. Un den 5 persona cu ta biaha, ta bira malo den vacansi. Cu placer nos ta duna bo algun tip pa limita e riesgonan aki.


1. Man limpi

Diarea ora bo bay cu vacansi hopi bes ta consecuencia di contaminacion atrabes di contacto cu bo mannan y bacteria. Pesey laba bo mannan regularmente. O haci nan limpi cu napkin desinfectante o cu gel antibacterial pa man.


2. Bebida y cuminda

Den exterior e hygiena tin ora ta diferente cu na cas. Pesey paga tino ora di come. Tin un lema pa biaheronan: cushin’e, lab’e, cask’e o lubid’e. Asina bo ta reduci e chens di bira malo pa bacteria den cuminda. Den mayoria pais e awa di cranchi ta otro cu esun na cas, pesey no bebe awa for di cranchi pero awa emboteya.


ENNIA su Asistencia di Emergencia durante biahamento y vacansi

Ora bo mester di yudansa durante bo biahe o vacansi pafo di Caribe Hulandes, 1 yamada pa nos Servicio di Emergencia ta bastante caba. (balido solamente pa clientenan cu tin un seguro medico y di biahe di ENNIA).

Nan ta para cla pa yuda bo, 24 ora pa dia, 7 dia pa siman!

Yama Europe Assistance riba T: +31 88 8778174

Semper purba di tin bo number di polisa na man, y nota adelanta e luga y number di telefon riba cual por haya bo. Nan lo sigui yuda bo