Bo pintura riba ENNIA su kalènder

ENNIA ta buskando  talento hóben ku ke traha un pintura  bunita pa e dèskkalènder di 2020. Ta traha mas ku 15.000 eksemplar di e kalender akí i ta parti nan na Aruba, Boneiru, Kòrsou i St Maarten.

Partisipá na e akshon di pintura di ENNIA, i kisas ta bó pintura ta ésun ku ta sali riba ENNIA su kalènder di 2020.

Kiko bo ta bai pinta?
Tema di e pintura ta Futuro di mi medio ambiente. Nos ta pensa akinan riba tópikonan manera  un medio ambiente salú, naturalesa bunita ku bibienda konfortabel i sigur pa nos bestianan, atenshon pa desaroyo duradero manera resiklage i separashon di shushi.

Kon bo ta bai pinta?
Traha bo pintura ku steft riba un A4, di manera ku e liña- i kolónan ta hopi kla i ta sali bon riba e kalènder. Pues no pinta ku potlot pasó e no ta sali bon riba e kalènder.

Ken por partisipá?
Bo por traha un pintura si bo tin 4  te ku 12 aña.

Ki dia bo mester entregá bo pintura?
Entregá bo pintura personalmente promé ku djárason di 17 di yüli na un di e ofisinan di ENNIA. Skibi na parti patras di bo pintura bo nòmber  kompletu, bo edat, number di telefòn  i adrès di e-mail.

Kon ta skohe bo pintura?
Di tur pintura ku drenta , un tim spesial ta skohe e 12 pinturanan mas bunita. Kada un di e pinturanan akí lo sali riba un luna di e kalènder. Si skohe bo pintura, bo ta haña un premio bunita!
Tambe nos lo mustra un selekshon di e pinturanan mas bunita via Facebook ENNIA Feelsecure.

Mas informashon? E-mail nos aki i menshoná “pintura pa kalènder".