Ganadó Babymaand 2017

Notario a saka ganadó di e premio mayó, i dia 5 di yüli a anunsiá esaki: Xhavier Jair Jansen. “ Kasi nos no por a kere”, mama di Jay ta konta.”Nos a partisipá den e kòntèst pasó nos a gusta e idea pa saka un bunita potrèt profeshonal grátis di Jay. Pero ku nos lo a gana un plan di estudio tambe p’e nos no a spera. Un kapital di f 5.000 ta un bunita komienso pa Jay ora e bira grandi i mester bai studia, pasó studiamentu ta kosta hopi plaka."

Djarason 5 di yüli a anunsiá ganadó di Nutricia su luna di beibi. E ganadó a risibí un premio mayó  spesial: un suma di f 5.000 pa invertí den un Plan di Estudio di ENNIA + 10.000 Fun Miles.

Den yüni pa di dos bia Nutricia Curaçao  a organisá su luna di beibi. Un luna yen di akshon, oferta i tambe di dos edishon di e kòntèst di potrèt di beibi.  Via e página di Facebook di Nutricia Curaçao mayornan por a inskribí nan yunan entre 0 i 3 aña. Nan mes por a manda un potrèt di nan yu pa asina partisipá den e kòntèst, pero Nutricia tambe a ofresé un fotoshoot grátis di Divi Design Photography.

E asistensha durante e diferente fotoshootnan tabata grandi, sigun fotógrafo Joke van Eeghem. Riba 4 djasabra den yüni nos a saka potrèt na 4 diferente sitio. Den Botica Sambil, Botica Santa Rosa, Botica Sorsaka i den DA na Saliña. Den total nos a saka potrètnan bunita di 158 mucha. E fotoshootnan tabata kompletamente grátis  i na final e mayornan orguyoso por a bai kas ku un potrèt mesora. Tur hende tabata super entusiasmá!  Bo por a ripará ku e fotoshoot  berdaderamente tabata un happening pa e mayornan. Tur e muchanan a bini bunita bistí pa saka potrèt. Loke personalmente mi a haña  masha spesial ta ku aña pasá durante e dianan di fotoshoot, mi tabatin oportunidat pa saka potrèt di un beibi ku a kaba di nanse riba tur  e dianan ku tabatin fotoshoot. Tur siman bo tabata mira e beibi kambia. E aña akí su mama a bini kuné atrobe, antó tabata prèt pa mira kon un beibi chikitu asina por a krese bira un presioso damita di 1 aña. “

Un total di sigur 550 kandidato a partisipá den e kòntèst. “Esaki ta konsiderablemente mas tantu ku aña pasá”, sigun Derrick van den Heuvel  di Nutricia. “ Aña pasá mas o ménos170 beibi a partisipá den e kòntèst di potrèt, i e aña akí e kantidat ei a bira 3 bia mas tantu!  Esaki probablemente tin di  haber tambe ku e aña akí tabatin un premio hopi spesial mará na e kòntèst.

Notario a saka ganadó di e premio mayó, i dia 5 di yüli a anunsiá esaki: Xhavier Jair Jansen. “ Kasi nos no por a kere”, mama di Jay ta konta.”Nos a partisipá den e kòntèst pasó nos a gusta e idea pa saka un bunita potrèt profeshonal grátis di Jay. Pero ku nos lo a gana un plan di estudio tambe p’e nos no a spera. Un kapital di f 5.000 ta un bunita komienso pa Jay ora e bira grandi i mester bai studia, pasó studiamentu ta kosta hopi plaka. Antó nos a komprondé ku e kapital akí na final ta krese bira un suma garantisá di 10.000 florin!

“Ku esaki nos ta regalá Jay un komienso finansiero hopi bon”,  CCO di ENNIA Reinald Curiel ta bisa. “Ku e Plan di Estudio di ENNIA un mucha ta bon prepará pa futuro. E ta un seguro di spar flèksibel i na bo midí ku ta yuda bo pone sèn un banda pa estudio di bo yu. Tambe si algu pasa e mayornan durante e periodo ku e seguro ta kore, na final e yu ta haña e kapital akumulá garantisá manera a akordá na komienso.”

“Nutricia Curaçao ke gradisí tur hende pa nan partisipashon entusiasmá”  Derrick van den Heuvel ta bisa na final. Komo muestra di apresio tur partisipante ta haña 100 Fun Miles di regalu, i ya kaba nos ta hopi entusiasmá  pa un edishon nobo di Nutricia su Luna di Beibi den 2018!”

Nos di ENNIA ta felisitá JayJansen ku su premio mayó, i ta spera ku di e forma akí nos ta kontribuí na un bunita futuro p’e. Antó bisa bo tambe awor….no ta un bunita potrèt?

Winaar Babymaand 2017- Jay Jansen

MIRA AKI TUR POTRET DI LUNA DI BEIBI 2017

;